धक्कादायक! विद्यार्थांना खाऊ घातला स्पर्म मिश्रीत केक; शिक्षिकेला 41 वर्षांचा तुरुंगवास

अमेरिकेतील (America) लुइसियानामधून एक धक्कादायक प्रकार समोर आला आहे. एका शिक्षिकेने (teacher)आपल्या पतीचे स्पर्म (Sperm) केकमध्ये मिसळवले. त्यानंतर हा केक तिने आपल्या विद्यार्थ्यांना खायला दिला आहे. ही बाब समोर आल्यानंतर या शिक्षिकेला आपल्या नोकरीचा राजीनामा द्यावा लागला होता. या महिलेवर बलात्कार आणि लहान मुलांचे लैंगिक शोषण केल्याचा देखील आरोप आहे. या महिलेने तिच्यावर करण्यात आलेले अनेक आरोप मान्य केले असून, याप्रकरणात तीला तब्बल 41 वर्षांची शिक्षा सुनावण्यात आली आहे. ‘डेली स्टार’ने दिलेल्या वृत्तानुसार या महिलेचे नाव सिंथिया पर्किन्स असे आहे. सिंथिया एका शाळेमध्ये शिक्षिका आहे. ती ज्या शाळेत शिकवायची त्याच शाळेतील मुलाला तीने आपल्या पतीचे स्पर्म मिश्रीत केक खाऊ घातला होता.

2019 मध्ये अटक

या प्रकरणी 2019 मध्ये सिंथिया आणि तिचा नवरा डेनिस यांना अटक करण्यात आली होती. डेनिस हा पोलीस अधिकारी होता. मिळत असलेल्या माहितीनुसार त्यानंतर डेनिस आणि सिंथियाचा घटस्फोट देखील झाला आहे. गुन्हा उघड झाल्यानंतर सिंथियाची पोलिसांकडून चौकशी करण्यात आली होती. तिच्यावर बलात्कार आणि लहान मुलांच्या लैंगिक शोषणाचे देखील आरोप आहेत. सुरुवातीला या महिलेने आपल्यावरील सर्व आरोप फेटाळले होते. मात्र त्यानंतर तीने गुन्ह्याची कबुली दिल्याची माहिती पोलिसांनी दिली.

सुरुवातीला 72 वर्षांची शिक्षा

गेल्या आठवड्यात, न्यायालयाने सिंथियाला विद्यार्थ्यांच्या केकमध्ये शुक्राणू मिसळल्याबद्दल एक वर्षाच्या तुरुंगवासाची शिक्षा सुनावली होती आणि लैंगिक गुन्ह्यांमध्ये सहभागी असल्याबद्दल तिला तब्बल 40 वर्षांची शिक्षा सुनावण्यात आली आहे. दरम्यान सिंथियाचा पूर्व पती डेनिस याचा या प्रकरणात सहभाग आहे का याचा शोध सध्या पोलिसांकडून सुरू आहे. सिंथियाला विविध गुन्ह्यात 72 वर्षांची शिक्षा सुणावण्यात आली होती. मात्र तीने गुन्ह्याची कबुली दिल्यानंतर तिची शिक्षा काही वर्षांनी कमी करून तिला 41 वर्षांची शिक्षा सुनावण्यात आली आहे.

संबंधित बातम्या

सोनम गुप्तानंतर आता राशी बेवफा; सोशल मीडियावर मीम्सचा पाऊस

थरकाप उडवणारा व्हिडीओ! इमारतीच्या बाराव्या मजल्यावरील बाल्कनीला लटकून व्यायाम, नेटकरी म्हणतात…

पाकिस्तानी खासदाराचा 31 वर्षाने लहान असलेल्या पत्नीसोबतचा बेडवरचा VIDEO झाला VIRAL