Video : भर रस्त्यात पोलीस हवालदारानं हात उगारला! चूक डिलिव्हरी बॉयची की पोलिसाची? तुम्हीच सांगा
Swiggy Delivery boy beaten : ज्याला मारहाण करण्यात आली, त्या तरुणाचं नाव मोहनसुंदरम आहे. 38 वर्ष वय असलेला मोहनसुंदरम हा गेल्या दोन वर्षांपासून स्विगीचा डिलिव्हरी पार्टनर म्हणून काम करतोय.
पोलीस हवालदारानं (Police Constable) एका दुचाकीस्वाराच्या कानशिलात लगावली. त्यानंतर तो दुचाकीस्वाराचा मोबाईल हिसकावून ऐटीत चालत गेला. ही संपूर्ण घटना मोबाईल कॅमेऱ्यात (Mobile Viral Video) कैद झाली आहे. या घटनेचा व्हिडीओ सध्या सोशल मीडियात व्हायरल (Social Media Viral) झाला आहे. एका फुड डिलिव्हरी बॉयला वाहतूक पोलीस हवालदारानं मारहाण केली असल्याचं या व्हिडीओमध्ये दिसून आलंय. या घटनेनंतर नेमकी चूक कुणाची? फुड डिलिव्हरी बॉयला मारहाण करणाऱ्या पोलिसाची? फुड डिलिव्हरी बॉयने असं काय केलं, की त्याला मारहाण करण्यात आली? असाही प्रश्न उपस्थित करण्यात येतोय. 3 जून रोज घडलेली ही घटना सध्या सोशल मीडियात व्हायरल झाली आहे. या घटनेवरुन चर्चांना उधाण आलंय.
ही घडना तामिळनाडूमध्ये घडली होती. शुक्रवारी 3 जून रोजी घडलेल्या या घटनेचा व्हिडीओही समोर आलाय. वुई लव कोवई या ट्वीटर अकाऊंटवरुन या घटनेचा व्हिडीओ शेअर करण्यात आलाय. तामिळनाडूच्या अविनाशी रोडवरील ट्रॅफिक जंक्शनवर ही घटना घडली.
पाहा व्हिडीओ :
“This happened yesterday evening at the fun mall signal and there was a slight traffic block due to this delivery boy and all of a sudden this Cop Started beating up the Delivery person ” . #welovecovai . ? IG : FB :TW @WELOVECOVAI .#coimbatore #delivery #deliveryboy #traffic pic.twitter.com/OBEwmghc1R
— We Love Covai ❤️ (@welovecovai) June 4, 2022
फुड डिलिव्हरी बॉयला मारहाण करणाऱ्या या वाहतूक पोलीस हवालदाराचं नाव सतिश आहे. तो दमदाटी करताना व्हिडीओमध्ये दिसून आलाय. त्यानंतर त्यानं फुड डिलिव्हरी बॉयच्या कानाखाली लगावली. या घटनेचा व्हिडीओ समोर आल्यानंतर अखेर सतीश यांच्यावर वरीष्ठांनी कारवाईदेखील केली आहे. त्यांची बदली करण्यात आली आहे.
का केली मारहाण?
ज्याला मारहाण करण्यात आली, त्या तरुणाचं नाव मोहनसुंदरम आहे. 38 वर्ष वय असलेला मोहनसुंदरम हा गेल्या दोन वर्षांपासून स्विगीचा डिलिव्हरी पार्टनर म्हणून काम करतोय. शुक्रवारी संध्याकाळी एका सिग्नलजवळ असताना एका स्कूल बस चालकाला त्यानं भरधाव गाडी चालवल्याचा जाब विचारला होता.
स्कूल बसचालक भरधाव वेगान गाडी चालवत होता. काही गाड्यांना तो धडक देता देता थोडक्यात वाचला होता. त्यामुळे मोहनसु्ंदरम या तरुणानं स्कूल बस चालकाला जाब विचारला होता. यामुळे काही काळ वाहतुकीची कोंडी झाली होती. दरम्यान, यानंतर सतिश नावाच्या वाहतूक पोलीस हवालदाराने स्कूल डिलिव्हरी बॉयलाच दमदाटी केली. त्याला शिविगाळ करत कानशिलातही लगावण्यात आली.
ही सगळी घटना एकानं मोबाईल कॅमेऱ्यात कैद केली होती. ही घटना व्हायरल झाल्यानंतर सतिश यांची कंट्रोल रुमला बदली करण्यात आली आहे. या मारहाणीवरुन सतीश यांची पोलीस आयुक्तांकडे तक्रार करण्यात आली होती. दरम्यान, फुड डिलिव्हरी बॉयला केलेली मारहाण कितपत योग्य, असा प्रश्न आता उपस्थित केला जातोय.
