102 वर्षाच्या माणसाने वरात काढून सांगितलं, ”अरे तुझा मामा अजून जिंवत आहे, पेन्शन का बंद केली”
पेंशनच्या या भोंगळ कारभाराला कंटाळून दादाजींनी नामी शक्कल लढवत आपण जीवंत असल्याचे सिद्ध करण्यासाठी पैशांच्या नोटांचा हार घालून रोहतक शहरामधून त्यांनी स्वतःची वरात काढून घेतली, आणि राज्य सरकारकडे आपली पेन्शन पुन्हा सुरु करण्याची मागणी केली आहे.
नवी दिल्लीः काही दिवसांपूर्वी कागज नावाचा चित्रपट आला होता, त्यामध्ये एकजण स्वतःला जिवंत ठेवण्यासाठी कितीतरी प्रयत्न करत असतो, तसाच एक प्रकार सोशल मीडियावर आता व्हायरल झाला आहे. 102 वर्षाच्या दादाजी यांना पेंशन मिळत नव्हती, इतक्या वर्षानंतरही आपल्या पेंशन (Pension) मिळत नाही, म्हणून रागाने येथील दादाजीनी एक नामी शक्कल लढवली, ते नामी शक्कल बघून अनेक जणांना धक्का बसला आहे. ही घटना आहे हरियाणातील रोहतकच्या जिल्ह्यामधील. दुली चंद नावाच्या व्यक्तीने आपण जीवंत असल्याचे सिद्ध करण्यासाठी त्यांनी रथात बसून आपली स्वतःचीच वरात काढली आहे. दादाजीनी ही वरात फक्त आपल्यासाठी काढली नाही तर प्रशासनातील अधिकाऱ्यांपर्यंत आपली वरात ते घेऊन गेले होते.
102 year old man Duli Chand in Haryana’s Rohtak who was declared dead in govt records and his pension was stopped. Today he came out on the roads to prove he is alive. @ndtv pic.twitter.com/PwfJ5ypf6r
— Mohammad Ghazali (@ghazalimohammad) September 8, 2022
त्यांनी काढलेल्या या वरातीत परिसरातील अनेक व्यक्ती सहभागी झाल्या होत्या, आणि रथावर लावलेल्या पोस्टरवर थारा फुफा जिंदा है असं ठळक अक्षरात लिहिण्यात आले होते.
व्हिडीओची जोरदार चर्चा
सध्या सोशल मीडियावर एका व्हिडीओची प्रचंड चर्चा होऊ लागली आहे, आणि हा व्हिडीओ अनेक जणांनी आपल्या प्रोफाईलवर शेअरही केला आहे.
थारा फुफा जिंदा है
थारा फुफा जिंदा है असं पोस्टर्स लावून वरात काढून घ्यायची वेळी दादाजीवर आली ती म्हणजे प्रशासनातील बोंगळ काराभारामुळे. रोहतक जिल्ह्यातील गांधरामधील दुली चंद यांना सरकारी कागदोपत्री त्यांना मृत घोषित केले होते. कागदोपत्री ते मृत झाल्यामुळे मार्च महिन्यापासून त्यांची पेंशन बंद करण्यात आली.
प्रशासनाचा भोंगळ कारभार
पेंशनच्या या भोंगळ कारभाराला कंटाळून दादाजींनी नामी शक्कल लढवत आपण जीवंत असल्याचे सिद्ध करण्यासाठी पैशांच्या नोटांचा हार घालून रोहतक शहरामधून त्यांनी स्वतःची वरात काढून घेतली, आणि राज्य सरकारकडे आपली पेन्शन पुन्हा सुरु करण्याची मागणी केली आहे.
सोशल मीडियावर शुभेच्छांचा वर्षाव
रोहतकमधील हा व्हिडीओ सोशल मीडियावर प्रचंड व्हायरल झाला आहे. सोशल मीडिवरील अनेकांकडून हा व्हिडीओ प्रोफाईलवर शेअर केला आहे. तर अनेक जणांनी ते 102 वर्षाच्या दादाजींनी मात्र अनेक जणांनी शुभेच्छाही दिल्या आहेत.
