मुलींचे हात गोरे आणि मुलांचे हात काळे का असतात? बहिणीच्या प्रश्नाला लहान भावाचं मजेदार उत्तर, VIDEO एकदा पाहाच
एक व्हायरल व्हिडिओमध्ये, एका लहान बहीण-भावाचा व्हिडीओ सध्या सोशल मीडियावर खूप व्हायरल होत आहे. या व्हिडीओमध्ये मुलगी तिच्या लहान भावाला विचारते की 'मुलींचे हात गोरे आणि मुलांचे काळे का असतात?' यावर तिच्या भावाने जे उत्तर दिले ते ऐकून ती शॉकच होते. हा व्हिडीओ नेटकऱ्यांच्याही पसंतीस उतरला आहे. नेटकऱ्यांनी या व्हिडीओवर भरभरून कमेंट्स दिल्या आहेत.
सोशल मीडियावर अनेक मजेदार व्हिडीओ व्हायरल होत असतात. ते व्हिडीओ पाहून नक्कीच आपल्याला आपलं हसू आवरता येत नाही असाच एक व्हिडीओ सध्या सोशल मीडियावर व्हायरल झाला आहे. तो पाहून युजर्सना देखील हसू आवरत नाहीये. हा व्हिडीओ आहे एका लहानग्या बहीण-भावाचा. या व्हिडिओमध्ये बहीण भावाला मुलींचे हात गोरे आणि मुलांचे हात काळे असण्याबाबतचा एक प्रश्न विचारते त्यावर तिचा लहान भाऊ जे उत्तर देतो ते फारच मजेशीर आहे. त्यांच्या या भांडणात भावाने दिलेलं उत्तर जाणून बहीण एकदम गप्पच होऊन जाते.
बहिणीच्या प्रश्नाला भावाने काय उत्तर दिलं?
हा व्हिडिओ इन्स्टाग्रामवर @avonsandhu19 नावाच्या अकाउंटवरून शेअर करण्यात आला आहे. व्हिडिओमध्ये भाऊ-बहीण एकमेकाशी गंमतीने भांडताना दिसत आहे. या व्हिडिओमध्ये लहान मुलगी तिच्या भावाला प्रश्न विचारते की, ‘मुलींचे हात किती गोरे असतात आणि मुलांचे काळे किती काळे असतात. पण असं का असतं?’ यावर तिचा भाऊ उत्तर देतो, ‘आम्ही भांडी दिवसातून दोन-तीन वेळा धुत नाही. म्हणूनच आमचे हात काळे आहेत.’ इतकेच नाही तर मुलगा रागाने आपल्या बहिणीला फटकारतो आणि म्हणतो, ‘जा! भांडी धू जा.’ हे उत्तर ऐकून बहिणीचा चेहराच पडतो आणि तिला आश्चर्य वाटतं.
खरं तर हा एक गंमतीने बनवलेला व्हिडीओ आहे. या व्हिडीओमध्ये दोन्ही भावंडांची निरागस अॅक्टींग नेटकऱ्यांना फार आवडली. या व्हिडीओवर खूप लाईक्स आणि कमेंट्स आल्या आहेत.
View this post on Instagram
व्हिडीओवर नेटकऱ्यांच्या मजेशीर प्रतिक्रिया
या व्हिडिओला इंस्टाग्रामवर दहा लाखांहून अधिक वापरकर्त्यांनी लाईक केले आहे आणि 4, 434 लोकांनी त्यावर कमेंट केल्या आहेत. हा मजेदार व्हिडिओ पाहिल्यानंतर एका वापरकर्त्याने लिहिले, ‘भाऊ भारीच, बहिणीला धक्का बसला.’ दुसऱ्या वापरकर्त्याने लिहिले, ‘आणि चेहऱ्याबद्दल तुम्हाला काय वाटतं?’ तिसऱ्या युजरने लिहिले, ‘भाऊ खरं बोलला.’ तर एकाने म्हटलं, ‘आजपासून त्याला धुतलेल्या भांड्यांमध्ये खाऊ घालू नको’ असे अनेक मजेशीर कमेंट्स येताना दिसत आहे.
