Bank : तुमच्या मोबाईलमध्येच लपलाय चोर, वेळीच करा हा उपाय नाहीतर बँक खाते होईल साफ..

नवी दिल्ली : स्मार्टफोन्सचा (Smartphone) जसा फायदा आहे, तसेच तोटेही आहेत. पण तुम्ही त्याचा वापर कसा करता यावर हे सर्व अवलंबून आहे. सायबर सिक्युरिटीच्या (Cyber Security) दृष्टीने काही काळजी घेणे आवश्यक आहे. काळजी घेतली नाही तर तुमचे बँक खातेही (Bank Account) साफ होऊ शकते. नेमका काय आहे हा प्रकार समजून घेऊयात..

स्मार्टफोनमध्ये अॅप्स डाऊनलोड (Apps Download) करताना अथवा ई-मेलवर (E-mail) आलेली एखादी लिंक डाऊनलोड करताना, त्याची संपूर्ण माहिती घेतल्याशिवाय ते डाऊनलोड करु नका. अनेक अॅप्स तुमचा डाटा चोरतात, तुमची खासगी माहिती, बँक तपशीलवर त्यांचा डोळा असतो. तेव्हा सावध व्हा..

Google ने Play Store मधून अशी काही अॅप्स हटवली होती. कारण ही अॅप्स युझर्सच्या परवानगी विना त्यांचा डाटा चोरत होती. Meta (Facebook) ने दावा केला आहे. त्यानुसार, 10 लाख युझर्संनी मोबाईलमध्ये चोर लपवला आहे.

Meta (Facebook) च्या दाव्यानुसार, 10 लाख युझर्संनी स्मार्टफोनमध्ये अशी अॅप्स डाऊनलोड केली आहेत. जी त्यांचा डाटा चोरत आहेत. त्यांचा वैयक्तिक तपशील चोरत आहेत. त्याचा गैरवापर करत आहेत.

वापरकर्त्यांचा वैयक्तिक तपशीलच नाही तर त्यांचा बँकेविषयीचा तपशीलही या अॅप्सनी चोरला आहे. त्यामुळे या युझर्सची बँकिंग माहिती चोरट्यांच्या हाती लागली आहे. त्याचा वापर ते कसा करतात हा प्रश्न आहे.

Android Users वापरकर्त्यांना अशी अॅप शोधणे कठिण नाही. कारण अनेक सॉफ्टवेअर असे आहेत, जे मेलवेअर शोधून ते हटवू शकतात. त्याचा वापर लगेच थांबविणेच नाही तर त्यांची तक्रार करणेही आवश्यक आहे.

सध्या Joker Malware ची चर्चा सुरु आहे. या मेलवेअरने टेक कंपन्यांची चिंता वाढवली आहे. तसेच वापरकर्त्यांना मोठा धोका निर्माण झाला आहे. त्यामुळे मोबाईल सुरक्षित ठेवण्यासाठी ‘Optimizing’ आणि ‘Cleaning’ आवश्यक आहे.

त्यामुळे अॅप डाऊनलोड करताना, त्याबद्दल प्ले स्टोअरवर त्याची माहिती जाणून घ्या. नवखं अॅप डाऊनलोड करताना, त्याचे रेटिंग ही चेक करा, कोणत्याही लिंकवरुन शक्यतोवर अॅप डाऊनलोड करुच नका.