सरकारची ‘ही’ योजना ठरत आहे मुलींच्या भविष्यासाठी वरदान; आजच ओपन करा आपल्या पाल्याचे खाते

सुकन्या समृद्धी योजना (Sukanya Samriddhi Yojana) ही मुलींच्या भविष्यासाठी एक चांगला पर्याय ठरत आहे. मुलींचे भविष्य (future) लक्षात घेऊन मोदी सरकारने ही योजना सुरू केली. सुकन्या समृद्धी योजनेंतर्गत दहा वर्षांपेक्षा कमी वयाच्या मुलीचे खाते तिचे पालक (parents) ओपन करू शकतात.

सरकारची 'ही' योजना ठरत आहे मुलींच्या भविष्यासाठी वरदान; आजच ओपन करा आपल्या पाल्याचे खाते
टीव्ही 9 मराठी डिजीटल टीम

| Edited By: अजय देशपांडे

Mar 15, 2022 | 5:30 AM

नवी दिल्ली : सुकन्या समृद्धी योजना (Sukanya Samriddhi Yojana) ही मुलींच्या भविष्यासाठी एक चांगला पर्याय ठरत आहे. मुलींचे भविष्य (future) लक्षात घेऊन मोदी सरकारने ही योजना सुरू केली. सुकन्या समृद्धी योजनेंतर्गंत दहा वर्षांपेक्षा कमी वयाच्या मुलीचे खाते तिचे पालक (parents) ओपन करू शकतात. भारतात कोणत्याही पोस्ट ऑफीसमध्ये किंवा बँकेत तुम्ही सुकन्या समृद्धीचे खाते काढू शकता. परंतु या योजनेचा लाभ घेण्यासाठी महत्त्वाची अट म्हणजे, एका कुटुंबात केवळ दोन मुलीच्या नावानेच तुम्हाला सुकन्या समृद्धीचे खाते सुरू करता येते. जर एखाद्या व्यक्तीला जुळ्या मुली झाल्या तर मात्र दोन पेक्षा अधिक मुलींना सुकन्या योजनेचा लाभ मिळू शकतो. या योजनेचे वैशिष्ट म्हणजे या योजनेंतर्गत करण्यात आलेल्या गुंतवणुकीवर चांगला व्याजदर मिळतो. कालावधी पूर्ण झाल्यानंतर मिळणारा परतावा देखील अधिक असतो. तुम्ही हा पैसा मुलीच्या लग्नासाठी किंवा तिच्या उच्च शिक्षणासाठी वापरू शकता..

7.6 टक्के व्याज दर

सध्या सुकन्या समृद्धि योजनेमध्ये गुंतवण्यात आलेले रकमेवर 7.6 टक्के दराने व्याज देण्यात येते. तुम्ही कमीत कमी 250 रुपयांची गुंतवणूक करून खाते सुरू करू शकता. कमीत कमी 250 रुपये व जास्तीत जास्त दीड लाख रुपयांची गुंतवणूक तुम्ही या योजनेंतर्गंत करू शकता. तुम्ही पैसे दर महिन्याला जामा करू शकता किंवा एक रकमी देखील हफ्ता जमा करता येतो. सुकन्या समृद्धी योजनेतंर्गत करण्यात आलेल्या गुंतवणुकीला आयकरामधून सूट मिळते.

वयाची अट

सुकन्या समृद्धी योजनेचा लाभ घेण्यासाठी संबंधित मुलीचे वय हे दहा वर्षांपेक्षा कमी असावे. जेव्हा मुलगी आपल्या वयाचे अठरा वर्ष किंवा 21 वर्ष पूर्ण करते तेव्हा या योजनेचा कालावधी पूर्ण होतो. या योजनेवर इतर कुठल्याही योजनेपेक्षा अधिक व्याज मिळत असल्याने पालकांना चांगला परतावा मिळतो. ही रक्कम मुलीच्या लग्नासाठी किंवा उच्च शिक्षणासाठी वापली जाऊ शकते. अगदी कमीत कमी कागदपत्रांमध्ये तुम्ही आपल्या मुलीचे सुकन्या समृद्धी योजनेत खाते उघडू शकता. खाते उघडण्यासाठी फक्त संबंधित मुलीचा जन्म दाखला आणि आई वडिलांचा निवासाचा पत्ता व आधार कार्ड एवढ्याच गोष्टी आवश्यक असतात.

संबंधित बातम्या

महागाईचा भडका! हिंदुस्थान युनिलिव्हरचा ग्राहकांना धक्का; चहा, कॉफीच्या भावात 14 टक्क्यांची वाढ

कच्च्या तेलाच्या वाढत्या भावाचा प्रवाशांना फटका; विमान प्रवास महागला, तिकिटांच्या दरामध्ये 15 ते 30 टक्क्यांची वाढ

आंतरराष्ट्रीय बाजारातील कच्च्या तेलाच्या किंमतीचा श्रीलंकेला फटका; इंधनाच्या दरात मोठी वाढ, जाणून घ्या भारतात काय स्थिती?

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें