अचानक पैशांची गरज पडल्यावर पैसे कसे उभे करावेत, जाणून घ्या
तुम्हाला अचानक पैशांची गरज पडल्यास तुम्ही काय करता. आज आम्ही तुम्हाला अशा काही ट्रिक्स सांगणार आहोत, ज्यातून तुम्ही कधीही पैसे घेऊ शकतात. पण, त्यासाठी तुम्हाला या तीन पद्धती माहिती असणं गरजेचं आहे आणि त्याच्या फायद्यासह तोटेही लक्षात घ्या. चला तर मग जाणून घेऊया.
अनेकदा आपल्याला अचानक पैशांची गरज पडते. अशा वेळी पैसा कसा उभा करावा, हे सूचत नाही. तुम्हाला पैशांची गरज भासल्यास तुम्ही कोणत्या ठिकाणांहून कर्ज घेऊ शकता? आज आम्ही तुम्हाला याच्या बेस्ट ऑप्शनबद्दल सांगणार आहोत. कोठून पैसे उभे करणे चांगले ठरेल ते जाणून घेऊया.
कोणालाही कोणत्याही वेळी अधिक पैशांची आवश्यकता असू शकते. अशा परिस्थितीत, प्रत्येक व्यक्तीने आपत्कालीन निधी तयार ठेवणे आवश्यक आहे, परंतु काही लोक आपत्कालीन निधी ठेवत नाहीत. अशा लोकांना कठीण काळात पैशांची व्यवस्था करावी लागते. यासाठी काही लोक कर्ज घेतात, तर काही लोक क्रेडिट कार्डद्वारे रोख रकमेचा वापर करतात. अशा परिस्थितीत पैशांची गरज भासल्यास पैशांची व्यवस्था कुठे करणार? आज आम्ही तुम्हाला याबद्दल सांगणार आहोत. चला जाणून घेऊया.
आपत्कालीन निधी किंवा गुंतवणूकीची रक्कम
जेव्हा तुम्हाला अचानक पैशांची गरज भासते तेव्हा तुम्ही तुमच्या इमर्जन्सी फंडाचा वापर करू शकता. जर तुमच्याकडे इमर्जन्सी फंड नसेल तर तुम्ही तुमची गुंतवणूक जसे की एफडी, आरडी किंवा इतर कोणत्याही योजनेतील गुंतवणुकीची रक्कम देखील वापरू शकता. जर तुमच्याकडे कोणताही इमर्जन्सी फंड किंवा गुंतवणूक केलेली रक्कम नसेल तर तुमच्याकडे पर्सनल लोन, गोल्ड लोन किंवा क्रेडिट कार्डचा पर्याय शिल्लक आहे.
वैयक्तिक कर्ज
जर तुम्हाला पैशांची गरज असेल तर तुम्ही बँकेकडून वैयक्तिक कर्ज घेऊ शकता, परंतु आम्ही तुम्हाला सांगतो की वैयक्तिक कर्ज हे सर्वात महागड्या कर्जांपैकी एक आहे. अशा परिस्थितीत, एक सुज्ञ निर्णय घ्या आणि कालावधी कमी ठेवा, जेणेकरून व्याजाची रक्कम जास्त राहणार नाही.
गोल्ड लोन
तुम्ही सोन्याच्या बदल्यात कर्ज देखील घेऊ शकता, ज्याला गोल्ड लोन म्हणतात. हे एक सुरक्षित कर्ज आहे. या कर्जामध्ये तुम्ही तुमच्या दागिन्यांच्या बदल्यात कर्ज घेऊ शकता, म्हणजेच तुम्ही तुमचे दागिने गहाण ठेवून पैशांची व्यवस्था करू शकता.
क्रेडिट कार्ड कर्ज
क्रेडिट कार्ड युजर्स त्यांच्या क्रेडिट कार्डद्वारेही कर्ज घेऊ शकतात. जेव्हा तुम्ही क्रेडिट कार्डद्वारे कर्ज घेता, तेव्हा कर्जाचे पैसे ग्राहकाच्या खात्यात खूप लवकर येतात. या कर्जाची प्रक्रिया खूप वेगवान आहे.
कोणता पर्याय सर्वोत्तम असेल?
पर्सनल लोन, क्रेडिट कार्ड लोन किंवा गोल्ड लोन, कोणते कर्ज घेणे चांगले आहे, हे प्रत्येक व्यक्तीच्या गरजेनुसार बदलते. जर एखाद्या व्यक्तीला जास्त रकमेचे कर्ज हवे असेल तर तो वैयक्तिक कर्ज घेऊ शकतो. तुमच्या सोन्याच्या किंमतीच्या आधारे गोल्ड लोन उपलब्ध आहे. अशा परिस्थितीत जर सोन्याच्या किंमतीमुळे तुमचे काम होईल तर तुम्ही गोल्ड लोन घेऊ शकता. ज्या व्यक्तींना आपले दागिने गहाण ठेवायचे नाहीत ते क्रेडिट कार्ड किंवा वैयक्तिक कर्ज घेऊ शकतात.
(डिस्क्लेमर: या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
