Gold rate today : आठवड्याच्या शेवटच्या दिवशी सोन्याच्या भावात तेजी; जाणून घ्या आजचा 10 ग्रॅमचा दर
सध्या सोन्याच्या दरात सातत्याने वाढ होत आहे. सोन्याच्या भाववाढीबाबत बाजारातील तज्ज्ञांचे म्हणणे आहे की, अमेरिकेत महागाईचा दर वाढत आहे. याशिवाय चीनच्या बाजारपेठेत सोन्याच्या मागणीने मोठी झेप घेतली आहे. वाढत्या महागाईमुळे व्यापारी सोन्याचे हेजिंग करत आहेत.
नवी दिल्ली : आठवड्याच्या शेवटच्या दिवशी दिल्ली सराफा बाजारात सोन्याच्या भावात तेजी दिसून आली. आज सोन्याचा भाव 22 रुपयांनी वाढून 48,176 रुपये प्रति 10 ग्रॅम झाला. एचडीएफसी सिक्युरिटीजने ही माहिती दिली. त्यामुळे मागील ट्रेडिंग सत्रात सोने 48,154 रुपये प्रति 10 ग्रॅमवर बंद झाले होते. चांदीचा भावही 627 रुपयांच्या उसळीसह 65,609 रुपये प्रति किलोवर बंद झाला. गेल्या सत्रात चांदीचा भाव 64,982 रुपये प्रति किलोवर बंद झाला होता.
आंतरराष्ट्रीय बाजारात सोन्याचा भाव किरकोळ घसरून 1,857 प्रति औंस झाला, तर चांदी 25.17 डॉलर प्रति औंसवर स्थिर राहिली. एचडीएफसी सिक्युरिटीजचे वरिष्ठ विश्लेषक (कमोडिटीज) तपन पटेल म्हणाले, “शुक्रवारी COMEX (न्यूयॉर्क-आधारित कमोडिटी एक्सचेंज) वर स्पॉट गोल्ड 0.30 टक्क्यांनी घसरून 1,857 प्रति औंस झाले, ज्यामुळे सोन्याचे भाव कमजोर झाले.” दुसरीकडे, रुपया घसरला. आज अमेरिकन डॉलरच्या तुलनेत सात पैशांनी घसरुन 74.45 वर बंद झाला.
सोन्याच्या दरात सातत्याने वाढ
सध्या सोन्याच्या दरात सातत्याने वाढ होत आहे. सोन्याच्या भाववाढीबाबत बाजारातील तज्ज्ञांचे म्हणणे आहे की, अमेरिकेत महागाईचा दर वाढत आहे. याशिवाय चीनच्या बाजारपेठेत सोन्याच्या मागणीने मोठी झेप घेतली आहे. वाढत्या महागाईमुळे व्यापारी सोन्याचे हेजिंग करत आहेत. ऑक्टोबर महिन्यात अमेरिकेतील महागाई दर वार्षिक आधारावर 6.2 टक्के होता, जो 1990 नंतरचा उच्चांक आहे.
शेअर बाजार दोन आठवड्यांच्या उच्चांकावर
दरम्यान, जागतिक बाजारातील सकारात्मक ट्रेंडमध्ये इन्फोसिस, एचडीएफसी बँक आणि रिलायन्स इंडस्ट्रीज यांसारख्या बड्या समभागांच्या वाढीमुळे शुक्रवारी प्रमुख शेअर निर्देशांक सेन्सेक्स आणि निफ्टी दोन आठवड्यांच्या उच्चांकावर बंद झाले. यादरम्यान बीएसईचा 30 शेअर्स असलेला सेन्सेक्स 767 अंकांनी किंवा 1.28 टक्क्यांनी वाढून 60,686.69 वर बंद झाला. सेन्सेक्समधील 30 पैकी 25 समभाग नफ्यात बंद झाले. त्याचप्रमाणे राष्ट्रीय शेअर बाजाराचा निफ्टी 229.15 अंकांनी किंवा 1.28 टक्क्यांनी वाढून 18,102.75 वर पोहोचला. 27 ऑक्टोबरनंतरची ही सर्वोच्च बंद पातळी आहे.
डिलिव्हरी होणाऱ्या सोने आणि चांदीचा भाव
एमसीएक्सवर, डिसेंबरमध्ये रात्री 8.40 वाजता डिलिव्हरीसाठी सोन्याचा भाव 23 रुपयांनी वाढून 49239 रुपये प्रति दहा ग्रॅमवर होता. तसेच, फेब्रुवारी 2022 च्या डिलिव्हरीसाठी सोन्याचा भाव 38 रुपयांच्या वाढीसह 49,450 रुपयांवर होता. डिसेंबर डिलिव्हरीसाठी चांदी सध्या 191 रुपयांच्या वाढीसह 67,156 रुपये प्रति किलोवर व्यवहार करत होती, तर मार्च 2022 डिलिव्हरीसाठी चांदी 133 रुपयांच्या वाढीसह 67,950 रुपये प्रति किलोवर व्यापार करत होती. (Gold prices rise on weekends; Know today’s 10 gram rate)
इतर बातम्या
