तुम्हालाही पासवर्ड आणि डेटा चोरी होण्याची भीती वाटते? मग सुरक्षेसाठी ‘या’ टीप्सचा वापर जरुर करा

तुम्हालाही तुमचा पासवर्ड आणि डेटा चोरी जाण्याची भीती वाटत असेल तर चला पाहुयात पासवर्ड सुरक्षेसाठीच्या काही खास टीप्स.

तुम्हालाही पासवर्ड आणि डेटा चोरी होण्याची भीती वाटते? मग सुरक्षेसाठी 'या' टीप्सचा वापर जरुर करा
तुम्हीही फेसबुक, गूगल अकाऊंटसाठी 'हा' पासवर्ड वापरत नाही ना?
Follow us
| Updated on: Jun 24, 2021 | 4:44 AM

मुंबई : सध्याचं युग डिजीटल युग आहे. त्यामुळे आता अनेक गोष्टी हाताच्या बोटावर आल्या आहेत. जेवणापासून बँकेच्या व्यवहारापर्यंत अनेक गोष्टी तुम्ही तुमच्या हातातील मोबाईल किंवा लॅपटॉपवरुन करु शकता. मात्र, हे सर्व करताना तुमचे व्यवहार सुरक्षित राहावेत म्हणून डिजीटल सुरक्षेसाठी आवश्यक पासवर्डही लागतात. मात्र, आता इतक्या ठिकाणी पासवर्ड, पिन किंवा कोड टाकावे लागतात की कुठे कोणता पासवर्ड टाकला हेही अनेकदा लक्षात राहात नाही. त्यातच लक्षात राहावा असा एखादा सोपा पासवर्ड टाकला तर त्यामुळे धोकाही असतो. त्यामुळे तुम्हालाही तुमचा पासवर्ड आणि डेटा चोरी जाण्याची भीती वाटत असेल तर चला पाहुयात पासवर्ड सुरक्षेसाठीच्या काही खास टीप्स (Know important tips to keep your password safe do this to make it strong).

सुरक्षित पासवर्ड कसा तयार करावा?

एका पासवर्डमुळे तुमच्या आयुष्यभराची कमाई चोरीला जाऊ शकते. त्यामुळेच पासवर्डचं काम मोठं आहे. म्हणूनच हा पासवर्ड मजबूत असायला हवा. असा पासवर्ड ठेवायला हवा जो सहजासहजी कुणालाही ओळखता येणार नाही. मजबूत पासवर्ड असण्यासाठी त्याच्यातील अक्षरांची संख्या जास्त असावी लागते. म्हणूनच तुमचा पासवर्ड कमीतकमी 8 अंकी असावा. पासवर्डमधील अक्षरं कॅपीटल आणि स्मॉल असे एकत्रित असावेत. याशिवाय पासवर्डमध्ये संख्यांचा आणि विशेष चिन्हांचाही वापर करा. पासवर्डमध्ये कधीही व्यक्तिगत माहिती देऊ नका. ज्या शब्दाला काही अर्थ आहे असे डिक्शनरी वर्ड्स देखील पासवर्डसाठी वापरु नये. अशी माहिती वापरल्यास हॅकर्स सहजासहजी तुमचा पासवर्ड ब्रेक करु शकतात.

कमकुवत पासवर्ड कोणता?

पासवर्ड ठेवताना तो लक्षात राहायला हवा हे खरं असलं तरी तो इतर कुणीही सहजासहजी ओळखू शकेल असाही नको. पासवर्डमध्ये काही वेगळेपण आणि कल्पकता असावी. यामुळे तुम्हाला तो पासवर्ड लक्षात राहिल आणि इतर कुणाला तो ओळखताही येणार नाही. आपल्या नावाच्या सुरुवातीच्या अक्षरांसोबत 1234 अशा संख्या वापरण्यात आलेले पासवर्ड सहजासहजी ओळखता येतात. याशिवाय लोक आपल्या पासवर्डमध्ये जवळच्या व्यक्तीचं नाव टाकतात. यात बहुतांशवेळा पत्नी किंवा प्रेयसीचा समावेश असतो. काही लोक तर पासवर्ड म्हणून password टाकतात. हा देखील एक धोकादायक पासवर्ड आहे. तो सहजासहजी ओळखला जातो.

पासवर्ड सुरक्षित कसा ठेवायचा?

जर तुम्हाला तुमचा पासवर्ड सुरक्षित ठेवायचा असेल आणि त्यामुळे होणारं नुकसान टाळायचं असेल तर ईमेल, शॉपिंग आणि इतर वेबसाईटवर सारखाच पासवर्ड ठेऊ नका. वेगवेगळे पासवर्ड वापरा. सारखाच पासवर्ड ठेवला तर एका ठिकाणी हॅकिंग झाली तरी इतर ठिकाणचाही धोका वाढतो. तेच महत्त्वाच्या ठिकाणी वेगवेगळा पासवर्ड असेल तर एका ठिकाणी सुरक्षेशी तडजोड झाली तर इतर ठिकाणं सुरक्षित राहतील.

याशिवाय जुन्या काळाप्रमाणे नावाच्या अक्षरांसह काही आकडे टाकून पासवर्ड तयार करु नका. असे पासवर्ड ओळखणं सोपं असतं. असे अनेक अॅप आहेत जे पासवर्ड लक्षात ठेवतात. मात्र, हे अॅप धोकादायक असतात. त्यांच्यामुळेही हॅकिंग होते. त्यामुळे सावधान राहा.

हेही वाचा :

तुम्ही फोन नंबर बदललाय? जुन्या नंबरवरील तुमची पर्सनल माहिती होऊ शकते लीक, सावध कसे राहाल?

या बँकेमध्ये खातं असेल तर हिरव्या रंगाकडे लक्ष असुद्या, नाहीतर होईल मोठं नुकसान

I LoveYou ते … तुमच्या अकाऊण्टची सुरक्षितता धोक्यात घालणारे 100 पासवर्ड्स

व्हिडीओ पाहा :

Know important tips to keep your password safe do this to make it strong

Non Stop LIVE Update
दानवेंची मनसे नेत्यानं काढली अक्कल, पद मिळालं म्हणून...,कुणाचा पलटवार?
दानवेंची मनसे नेत्यानं काढली अक्कल, पद मिळालं म्हणून...,कुणाचा पलटवार?.
दानवे 8-10 दिवसांत आमच्यासोबत..., शिंदे गटाच्या नेत्याचा मोठा दावा
दानवे 8-10 दिवसांत आमच्यासोबत..., शिंदे गटाच्या नेत्याचा मोठा दावा.
भाजप सोडल्यानंतर तुम्हाला कुत्रंही…कुणी केला खडसेंवर जोरदार पलटवार?
भाजप सोडल्यानंतर तुम्हाला कुत्रंही…कुणी केला खडसेंवर जोरदार पलटवार?.
स्मशानभूमीत जाण्यास डॉक्टरकडूनच अडकाठी, कुठं घडला धक्कादायक प्रकार?
स्मशानभूमीत जाण्यास डॉक्टरकडूनच अडकाठी, कुठं घडला धक्कादायक प्रकार?.
मुख्यमंत्र्यांच्या भेटीनंतरही अजितदादांवर शिवतारेंची शाब्दिक फायरिंग
मुख्यमंत्र्यांच्या भेटीनंतरही अजितदादांवर शिवतारेंची शाब्दिक फायरिंग.
'मविआ'चा फॉर्म्युला फायनल, ठाकरे गट, पवार गटाची उमेदवारांची नावं ठरली?
'मविआ'चा फॉर्म्युला फायनल, ठाकरे गट, पवार गटाची उमेदवारांची नावं ठरली?.
भाजप-मनसे युतीवर दिल्लीत शिक्कामोर्तब? राज दिल्लीला, महायुतीत येणार?
भाजप-मनसे युतीवर दिल्लीत शिक्कामोर्तब? राज दिल्लीला, महायुतीत येणार?.
महायुतीत मढ्यातील तिढा काही सुटेना, धैर्यशील मोहिते पाटील अपक्ष लढणार?
महायुतीत मढ्यातील तिढा काही सुटेना, धैर्यशील मोहिते पाटील अपक्ष लढणार?.
महायुतीचा फॉर्म्युला निश्चित! शिंदेंच्या 10 उमेदवारांची यादी तयार
महायुतीचा फॉर्म्युला निश्चित! शिंदेंच्या 10 उमेदवारांची यादी तयार.
अजित पवार नालायक माणूस, वयस्कर माणसाची....सख्खा भाऊ दादांच्या विरोधात
अजित पवार नालायक माणूस, वयस्कर माणसाची....सख्खा भाऊ दादांच्या विरोधात.