Bank Account Scam : फसवणुकीची नवीन ट्रिक, ओटीपी विनाच बँक खाते साफ, घ्या काळजी, नाहीतर एक रुपया पण शिल्लक राहणार नाही

नवी दिल्ली : अत्याधुनिक तंत्रज्ञानामुळे जग खेडं झालं आहे. घरबसल्या अनेक सुविधा मिळतात. नाण्याच्या दोन्ही बाजू असतात. एका बाजूला तंत्रज्ञानामुळे आपले जीवन सुसह्य होत आहे तर दुसरीकडे याच जाळ्यात अडकून अनेकांना फटका बसत आहे. सायबर भामट्यांमुळे (Cyber Scammers) अनेकांची जमापूंजी साफ होत आहे. मेहनतीने बँकेत जमविलेला पैसा अडका, एका फटक्यात गायब होत असल्याने अनेकांना ऑनलाईन बँकिंग (Online Banking) नकोशी झाली आहे. सायबर भामटे सावज जाळ्यात ओढण्यासाठी नवनवीन कल्पना वापरतात. तुम्ही सावध नसाल तर हमखास सावज होता.

UPI खाते टार्गेट नवीन फसवणुकीत युपीआय खातेधारकांना टार्गेट करण्यात येत आहे. देशभरात अशा अनेक घटना समोर येत आहेत. तुम्ही वेळीच सावध झाला नाही तर तुमची शिकार झालीच समजा. त्यामुळे अज्ञात फोन कॉल्स, मॅसेज यांना उत्तर देण्याचे टाळा. त्यांच्या हेतू काय आहे ते लक्षात घ्या. बँकेचा अधिकारी असल्याचा, कॉल सेंटरवरुन बोलत असल्याचा दावा ते करतील. तेव्हा त्यांना खात्याशी संबंधित कोणतीही गोपनिय माहिती देऊ नका. कोणतीही लिंक उघडू नका. तुम्हीच चुका टाळल्या. आमिषांना बळी पडला नाहीत तर वाचू शकता.

आता तर ओटीपीची गरजच नाही आता तर फसवणुकीसाठी ओटीपीची गरज नाही. पूर्वी ओटीपी विचारुन खाते रिकामे करण्यात येत होते. पण आता तर ओटीपी न मागताच (Without OTP Scam), लिंक पाठवून, मॅसेजमधील लिंकद्वारे बँक खाते रिकामे करण्यात येत आहे.

अशी होत आहे फसवणूक शॉपिंग हिस्ट्री तपासून, शॉपिंग वेबसाईट हॅक करुन सायबर भामटे फसवणूक करत आहेत. तसेच तुम्ही सर्च इंजिनवर कोणते प्रोडक्ट शोधत आहात, हे तपासून सायबर भामटे कंपनीचे कस्टमर केअरमधून बोलत असल्याचे भासवितात. प्रोडक्ट चांगले असून त्यावर मोठी सवलत जाहीर करण्यात येते. तुम्ही होकार दिल्यावर व्हॉट्सअप, मेलवर लिंक पाठविण्यात येते. त्यात तुमच्या युपीआयचा तपशील, बँक खात्याची माहिती, पत्ता इत्यादी तपशील घेण्यात येतो.

युपीआय पेमेंट पडेल महागात नंतर सायबर भामटे ग्राहकांना एक रुपये अथवा पाच रुपयांचे पेमेंट करुन ऑर्डर कन्फर्म करण्यास सांगतात. हे पेमेंट केल्यानंतर पुढे जे होते, त्याला त्वरीत न थांबविल्यास धडाधड बँक खाते रिकामे झाल्याचा एसएमएस येईल. त्यामुळे खात्याशी संबंधित कोणतीही गोपनिय माहिती देऊ नका. कोणतीही लिंक उघडू नका. तुम्हीच चुका टाळल्या. आमिषांना बळी पडला नाहीत तर वाचू शकता.