शेअर बाजारात ट्रेडिंग करणाऱ्यांनो चार दिवसांत ‘हे’ काम आटपा, अन्यथा….

मुंबई: सध्या शेअर बाजारात पैसे गुंतवणाऱ्यांना सुगीचे दिवस आले आहेत, असे म्हटल्यास वावगे ठरणार नाही. गेल्या काही दिवसांत शेअर बाजाराच्या निर्देशंकांनी सार्वकालिक उच्चांक पार केले आहेत. गुरुवारी मुंबई शेअर बाजाराचा निर्देशांक असलेल्या सेन्सेक्सने 60 हजारांच्या टप्प्याला गवसणी घातली होती. अवघ्या नऊ महिन्यांत सेन्सेक्स 10000 अंकांनी वधारला आहे. त्यामुळे गुंतवणूकदार अक्षरश: मालामाल झाले आहेत. मात्र, या सगळ्या धावपळीत तुम्ही एक महत्त्वाचे काम करायला विसरल्यास ऑक्टोबर महिन्यापासून तुमचे डिमॅट खाते बंद होण्याची शक्यता आहे.

शेअर बाजारात गुंतवणूक करण्यासाठी आवश्यक असलेल्या डीमॅट आणि ट्रेडिंग खात्याचे केवायसी अपडेट करण्यासाठी 30 सप्टेंबरची अंतिम मुदत आहे. त्यामुळे आता गुंतवणूकदारांकडे हे काम आटपण्यासाठी अवघे चार दिवस शिल्लक राहिले आहेत. तसेच केंद्रीय प्रत्यक्ष कर विभागाने (CBDT) नव्या डिमॅट खात्यांसाठी पॅनकार्ड बंधनकारक केले आहे. तसेच हे पॅनकार्ड आधारशी जोडलेले असावे. हा नियम भांडवली बाजारातील सर्व घटकांसाठी सक्तीचा असेल.

केवायसी अपडेट न झाल्यास डीमॅट आणि ट्रेडिंग खाते बंद होणार

कोणत्याही अडचणीशिवाय शेअर बाजारात व्यापार करण्यासाठी खातेधारकांना त्यांचे नाव, पत्ता, पॅन, मोबाईल नंबर, ईमेल आयडी आणि उत्पन्नाची मर्यादा केवायसी अंतर्गत वैध आयडी पुराव्यासह पडताळणी करावी लागेल. जर कोणत्याही खातेधारकाने नवीन मुदतीपर्यंत केवायसी अपडेट केले नाही, तर त्याचे डीमॅट आणि ट्रेंडिंग खाते बंद केले जाईल.

एकदा खाते बंद झाल्यावर कोणताही खातेदार शेअर बाजारात व्यापार करू शकणार नाही. एवढेच नाही, जरी एका खातेदाराने एखाद्या कंपनीचे शेअर्स खरेदी केले, तर तो केवायसी तपशील अद्ययावत करेपर्यंत आपला हिस्सा आपल्या खात्यात हस्तांतरित करू शकणार नाही. केवायसी तपशील अपडेट केल्यानंतर त्यांची पडताळणी करणे देखील खूप महत्त्वाचे आहे.

या परिस्थितीत खाते “पेंडिंग फॉर एक्टिव्हेशन”मध्ये ठेवणार

मोबाईल नंबर आणि सक्रिय ईमेल आयडी कोणत्याही डीमॅट आणि ट्रेडिंग खात्यांच्या केवायसीमध्ये मोठी भूमिका बजावते. जर एखाद्या खात्याचे केवायसी तपशील अद्ययावत करण्याच्या प्रक्रियेत मोबाईल नंबर आणि ईमेल आयडीची पडताळणी केली गेली नाही, तर ती खाती “पेंडिंग फॉर एक्टिव्हेशन” मध्ये ठेवली जातात. स्टॉक ब्रोकर्स ट्रेडिंगसाठी कोणतेही खाते सक्रिय करत नाहीत, जरी सक्रियतेसाठी प्रलंबित आहेत. अशा परिस्थितीत एखाद्या खातेदाराकडे काही अत्यंत महत्त्वाचे काम असले तरी ते पूर्ण करता येणार नाही. म्हणूनच स्टॉक मार्केटमध्ये कोणत्याही अडथळ्याशिवाय नॉन स्टॉप ट्रेडिंगसाठी आपले डीमॅट आणि ट्रेडिंग खाते केवायसी वेळेवर अपडेट करणे खूप महत्त्वाचे आहे.

संबंधित बातम्या:

Sensex : भारतीय शेअर बाजाराने इतिहास रचला, पहिल्यांदाच सेन्सेक्सने 60 हजारांचा टप्पा गाठला!

Share Market: ‘या’ कंपनीच्या शेअर्समुळे गुंतवणुकदार मालामाल; वर्षभरात 400 टक्के रिटर्न्स

सेन्सेक्स एक लाखांचा टप्पा कधी गाठणार, तज्ज्ञ काय म्हणतात, कोणत्या शेअर्सच्या किंमती वाढणार?