मुंबई : नवी मुंबईच्या वाशी खाडीकिनारी पुन्हा एकदा फ्लेमिंगो पक्ष्यांचे दर्शन घडत आहेत. नवी मुंबई शहरात अनेक ठिकाणी पाणथळे आहेत त्या ठिकाणी फ्लेमिंगो मुंबईकरांना पाहायला मिळत आहे. नवी मुंबईतील वाशी खाडी किनाऱ्यावर हजारोंच्या संख्येने फ्लेमिंगो पक्षी पाहायला मिळत आहे. नवी मुंबईतील खाडी किनारा अशा फ्लेमिंगोंच्या गुलाबी रंगानी न्हाहून निघाला आहे. सध्या नवी मुंबईच्या वाशी परिसरातील एका पाणथळ जागेवर अशा फ्लेमिंगोंची झुंडच दिसून येत आहे. या पक्ष्यांचं रूप आणि सौंदर्य न्याहाळण्यासाठी पक्षीप्रेमींनी गर्दी केली आहे. नवी मुंबईतील लहान मोठ्या पाणथळ जागांवर मोठ्या संख्येने फ्लेमिंगो पक्ष्यांचे आगमन झाल्याने संपूर्ण वातावरण गुलाबी झाले आहे. या पक्ष्यांचे फोटो आणि व्हिडीओ सोशल मीडियावर चांगलेच व्हायरल होताना दिसत आहेत