मुंबई : एनसीबीचे माजी अधिकारी समीर वानखेडे यांनी शनिवारी सिध्दिविनायक मंदिरात बाप्पाचं दर्शन घेतलं. समीर वानखेडे यांची शनिवारी सीबीआयकडून 5 तास चौकशी झाली आहे. या चौकशीनंतर वानखेडे सिद्धीविनायकाच्या दर्शनाला गेले होते. दरम्यान सीबीआयकडून आजही समीर वानखेडे यांची चौकशी करण्यात येत आहे. आज सकाळी 11.00 वाजता पुन्हा एकदा त्यांना सीबीआय कार्यालयात चौकशीसाठी बोलावण्यात आले आहे. समीर वानखेडे हे त्यांच्या घरातून सीबीआय कार्यालयाकडे रवाना झाले आहेत.यावेळी त्यांनी, मी सीबीआयच्या तपासात सहकार्य करत असल्याचे सांगितले. माझा सीबीआय आणि न्यायव्यवस्थेवर पूर्ण विश्वास आहे, मला न्याय मिळेल.मी जिंकणार ही, असा विश्वार समीर वानखेडे यांनी दाखवला’.