अजितदादांचा भल्या पहाटे दौरा अन् त्यात घडलं असं काही की…

बारामतीमध्ये उपमुख्यमंत्री अजित पवारांनी नेहमीप्रमाणे भल्या पहाटे पाच वाजता विकास कामांची पाहणी सुरू केली आहे. कडाक्याच्या थंडीतही त्यांनी विकासाच्या कामांचा आढावा घेण्यासाठी आपला दौरा सुरु ठेवला. याच वेळेला अजित पवारांनी एका ठिकाणी स्ट्रीट फूडसाठी उभारण्यात आलेल्या शॉपची पाहणी केली. नागरिकांच्या मूलभूत सुविधा आणि स्थानिक व्यवसायांना प्रोत्साहन देण्याच्या दृष्टीने त्यांचा हा पाहणी दौरा महत्त्वाचा ठरला.

त्यांच्या या दौऱ्यादरम्यान, एका हॉटेल व्यावसायिकाच्या आग्रहास्तव अजित पवारांनी गरमागरम चहाचा आस्वाद घेतला. चहा घेत असताना त्यांनी उपस्थितांशी संवाद साधला. या संवादातून त्यांनी प्रामुख्याने दुधाच्या व्यवसाया संदर्भात चर्चा केली. दुध उत्पादक व्यावसायिक आणि स्थानिक उद्योजकांना भेडसावणाऱ्या अडचणी जाणून घेत त्यावर उपाययोजनांबाबत त्यांनी विचार मंथन केले. म्हशीच्या दुधाच्या गुणवत्तेबाबत आणि विशेषतः कोल्हापूरच्या म्हशीच्या दुधाबद्दल त्यांनी काही निरीक्षणे नोंदवली. या पहाटेच्या दौऱ्यामुळे स्थानिक नागरिकांना आणि व्यावसायिकांना थेट उपमुख्यमंत्री स्तरावर आपल्या समस्या मांडण्याची संधी मिळाली.