Rohit Pawar | त्या काळ्या दिवशी मी अजितदादांच्या नंबरवर… रोहित पवार यांचं काळीज पिळवटून टाकणारं ट्विट

माजी उपमुख्यमंत्री अजित पवार यांच्या निधनाला आज एक महिना पूर्ण झाला आहे. 28 जानेवारी रोजी बारामतीजवळ त्यांचे विमान लँडिंग करत असताना कोसळले. विमान खाली पडताच मोठा स्फोट झाला आणि आग लागली. या भीषण अपघातात अजित पवार यांचा दुर्दैवी मृत्यू झाला. या घटनेमुळे संपूर्ण महाराष्ट्रात शोककळा पसरली. पवार कुटुंबीय आणि बारामतीकरांवर दुःखाचा मोठा आघात झाला.
आज या घटनेला एक महिना पूर्ण झाला असला तरी अजूनही अनेकांना हा धक्का पचवता आलेला नाही. अजित पवार यांचे पुतणे राष्ट्रवादी शरद पवार गटाचे आमदार रोहित पवार हेही भावूक झाले आहेत. त्यांनी त्यांच्या सोशल मीडियावर एक भावनिक संदेश लिहिला आहे. रोहित पवार यांनी ट्विटरवर लिहिले की, “जे घडले ते अजूनही वाईट स्वप्न वाटते. त्या काळ्या दिवशी मी अजितदादांच्या नंबरवर फोन केला, पण कॉल उचलला गेला नाही आणि त्यांचा नेहमीचा आवाजही ऐकू आला नाही… खूप वेदनादायक आहे.” काकांच्या निधनामुळे रोहित पवार खूप दुःखी आहेत. तसेच हा अपघात होता की घातपात, याचा ते सखोल तपास त्यांच्याकडून सुरू आहे.