Ajit Pawar Death in Plane Crash LIVE : अजित पवार यांचा मृत्यू; हसन मुश्रीफ धाय मोकलून रडले!

महाराष्ट्राचे उपमुख्यमंत्री अजित पवार यांचा बारामतीत एका भीषण विमान अपघातात मृत्यू झाला आहे. लँडिंग करत असताना त्यांचे विमान शेतात कोसळले आणि त्याला आग लागली. या दुर्दैवी घटनेत अजित पवारांसह एकूण सहा जणांचा मृत्यू झाला असल्याची माहिती नागरी विमान वाहतूक महासंचालनालयाने (DGCA) दिली आहे. मृतांमध्ये दोन पायलट आणि पीएसओ पी. एन. जाधव यांचा समावेश आहे. अजित पवार हे मुंबईहून बारामतीत जिल्हा परिषद निवडणुकीच्या प्रचारसभांसाठी येत होते. सकाळी लवकर मुंबईहून निघालेले पवार बारामतीत पोहोचल्यावर हा अपघात झाला. या घटनेने महाराष्ट्राच्या राजकीय वर्तुळात मोठी शोककळा पसरली असून राष्ट्रवादीच्या नेत्यांनी आणि कार्यकर्त्यांनी तीव्र दुःख व्यक्त केले आहे.