आधी लगीन कोंढाण्याचं मग रायबाचं! अजित पवारांची मोठी प्रतिक्रिया

अजित पवार यांनी आपल्या भाषणाची सुरुवात शिवशाहू फुले आंबेडकरांच्या विचारधारेचा उल्लेख करून केली. त्यानंतर त्यांनी नुकतेच निधन झालेले हरहुन्नरी कार्यकर्ते आणि माजी उपनगराध्यक्ष स्वर्गीय राजेश श्यामराव जाधव यांना भावपूर्ण श्रद्धांजली अर्पण केली. काळापुढे कोणाचे काही चालत नाही, असे सांगत पवारांनी जाधव यांच्या मुलाला सर्वतोपरी मदतीचे आणि सहकार्याचे आश्वासन दिले. सभा संपल्यानंतर लगेचच ते जाधव कुटुंबीयांना भेटायला जाणार असल्याचे त्यांनी सांगितले, कारण पुण्यामध्ये त्यांना तीन सभांमध्ये सहभागी व्हायचे आहे.

पवारांनी दौंड शहरातील आगामी निवडणुकीचे महत्त्व अधोरेखित केले. आजचा दिवस दौंडच्या दृष्टीने अतिशय महत्त्वाचा आणि निर्णायक असल्याचे ते म्हणाले. उद्या प्रचार संपणार असून, परवा मतदान सुरू होणार आहे. या निवडणुकीत शहरासाठी काय करता येईल, यावर त्यांनी भर दिला. वैयक्तिक कार्यक्रमांपेक्षा जनसेवेला आणि निवडणुकीच्या कामाला प्राधान्य देत असल्याची त्यांची भूमिका या भाषणातून स्पष्ट झाली.