Ajit Pawar Death in Plane Accident : रोहित पवार आणि त्यांचे वडिल हॉस्पिटलमध्ये दाखल

बारामतीत अजित पवार यांच्या निधनामुळे सध्या अत्यंत शोकाकुल वातावरण आहे. विमान अपघातात अजित पवार यांचे अकाली निधन झाल्याने महाराष्ट्राच्या राजकारणात मोठी पोकळी निर्माण झाली आहे. घटनेची माहिती मिळताच रोहित पवार आणि त्यांचे वडील तात्काळ निखिल रुग्णालयात पोहोचले. रुग्णालयाबाहेर स्थानिक नागरिक आणि महाराष्ट्राच्या कानाकोपऱ्यातून आलेले लोक मोठ्या संख्येने जमले आहेत. पवार कुटुंबासाठी हा एक आधारवड गमावल्यासारखा धक्का आहे. सुप्रिया सुळे यांनी त्यांच्या सोशल मीडिया स्टेटसवर डिव्हास्टेटेड असे नमूद करत आपल्या तीव्र भावना व्यक्त केल्या आहेत. मुंबईहून शरद पवार आणि त्यांच्या पत्नी बारामतीकडे रवाना झाले आहेत, तर सुप्रिया सुळे आणि सुनेत्रा पवार, ज्या संसदेच्या अधिवेशनासाठी दिल्लीत होत्या, त्याही तातडीने बारामतीसाठी निघाल्या आहेत. अजित पवार हे स्पष्टवक्ते पण कार्यकर्त्यांसाठी नेहमीच तत्पर असणारे नेते होते. त्यांचे असे अचानक जाणे हे कार्यकर्त्यांसाठी आणि राज्यासाठी धक्कादायक आहे.