महिला दिनाच्या दिवशीच महिला प्रवासी रेल्वेवर नाराज, डोंबिवली स्थानकात आंदोलन; काय आहे कारण?

मुंबई : महिला प्रवाशांनी रेल्वे विरोधात आंदोलन केल्याचे समोर आले आहे. लोकलचे विस्कळीत वेळापत्रक , त्यामुळे होणारी गर्दी, विना तिकीट प्रवास करणाऱ्या लोकांमुळे होणार त्रास, महिलांसाठी लोकलचे डब्बे कधी वाढणार आणि अनधिकृत फेरीवालांचा बंदोबस्त कधी होणार अशा मागण्या या महिला रेल्वे प्रवाशांच्या असून त्यांनी आजच्या जागतिक महिला दिनाच्या पार्श्वभूमीवर डोंबिवली रेल्वे स्थानकात रेल्वे विरोधात आंदोलन केले आहे. वारंवार रेल्वे प्रशासनाला लेखी पत्र देऊनही त्यांची कोणतीही दखल घेतली जात नाही, असे या आंदोलक महिला प्रवाशांचे म्हणणे आहे. त्यामुळे डोंबिवली रेल्वे स्थानक येथे महिला प्रवाशांनी रेल्वे विरोधात आंदोलन केले आहे.