अयोध्येतील राम मंदिराच्या जमीन खरेदीत घोटाळा झाल्याच्या मुद्द्यावर शिवसेनेने टीका केल्यानंतर भाजपच्या युवा मोर्चाने त्याचा निषेध करत दादरच्या शिवसेना भवनावर फटकार मोर्चा काढला. यावेळी मोर्चाला जशास तसे उत्तर देण्यासाठी शिवसेना भवनासमोर शिवसैनिकही मोठ्या संख्येने जमले. पोलिसांचाही चोख बंदोबस्त याठिकाणी होता. दरम्यान पोलिसांना न जुमानता दोन्ही पक्षाचे कार्यकर्त्ये एकमेंकाना भिडले. यामुळे सेना भवन परिसरात तणाव निर्माण झाला. यावेळी पोलिसांनी हस्तक्षेप करून शिवसैनिकांचीही धरपकड केली.