मोठी बातमी : माजी पंतप्रधान राजीव गांधी यांच्या हत्येतील सहभागी प्रभाकरन जिवंत? कुणाचा हा खळबळजनक दावा ?

तामिळनाडू : लिबरेशन टाइगर्स ऑफ तमिल ईलमचा ( LTTE ) चा प्रमुख प्रभाकरन जिवंत असल्याचा दावा कऱण्यात आला आहे. यामुळे एकच खळबळ उडाली आहे. तामिळनाडूचे माजी मंत्री आणि तमिळ संघटनांच्या जागतिक महापरिषदेचे अध्यक्ष पाझा नेदुमारन यांनी एका पत्रकार परिषदेत बोलताना हा दावा केला आहे. प्रभाकरन जिवंत असून तो लवकरच सर्वांसमोर येईल असे ते म्हणाले आहेत. २००९ मध्ये श्रीलंकन सैनिकांच्या कारवाईत प्रभाकरन याचा मृत्यू झाला होता. मात्र, तो जिवंत असल्याचा दावा करण्यात आल्यामुळे एकच खळबळ माजली आहे. भारताचे माजी पंतप्रधान राजीव गांधी यांच्या हत्येत प्रभाकरन सहभागी होता.