महापालिकेच्या स्थायी समिती सभापती पदी भाजपचे धीरज सूर्यवंशी यांची निवड झाली आहे. कॉंग्रेस-राष्ट्रवादी आघाडीचे संतोष पाटील यांचा त्यांनी नऊ विरुध्द पाच मतांनी पराभव केला. राष्ट्रवादीचे पवित्रा केरीपाळे व संगीता हारगे हे दोन सदस्य गैरहजर राहिले. त्यामुळे आघाडीच्या पाटील यांना पराभव झाला. काँग्रेसचे उमेदवार संतोष पाटील यांना केवळ पाच मतं पडली आहेत. सूर्यवंशी समर्थकानी गुलालाची उधळण व फाटक्यांची आतिषबाजी करत आनंदोत्सव साजरा केला. सूर्यवंशी यांची संपूर्ण सांगली शहरातून मिरवणूक काढली. जे पेराल तेच उगवेल अशी प्रतिक्रिया धीरज सूर्यवंशी यांनी दिली आहे.