CM Fadnavis UNCUT : कोस्टल रोडचं श्रेय ते राज ठाकरेंना नो स्पेस… काय-काय म्हणाले फडणवीस tv9 मराठीच्या Exclusive मुलाखतीत?

टीव्ही ९ मराठीला दिलेल्या विशेष मुलाखतीत मुख्यमंत्री देवेंद्र फडणवीस यांनी उद्धव ठाकरे आणि राज ठाकरे यांच्या विविध आरोपांना सडेतोड प्रत्युत्तर दिले. मुंबई महानगरपालिका निवडणुकीच्या पार्श्वभूमीवर, “मातोश्रीची दारं फडणवीसांसाठी उघडणार” या वक्तव्यावर त्यांनी, “मुंबईकरांनी माझ्यासाठी हृदयाचे दरवाजे उघडले आहेत, त्यामुळे मला इतर कोणतेही दार उघडण्याची लालसा नाही,” असे म्हटले. फडणवीस यांनी मराठी माणसाच्या अस्तित्वाची लढाई या मुद्द्यावर ठाकरेंना लक्ष्य केले.

मराठी माणूस मजबूत असून, मुंबई महाराष्ट्राचीच राहील असे फडणवीसांनी स्पष्ट केले. उद्धव ठाकरे यांनी मुंबई लुटल्याच्या आरोपावर, फडणवीस यांनी मुंबई महानगरपालिकेत झालेल्या कचरा, रस्ते, शौचालय आणि कोविड केअर सेंटर घोटाळ्यांची आठवण करून दिली. समृद्धी महामार्ग, कोस्टल रोड आणि मेट्रो यांसारख्या विकास प्रकल्पांचे श्रेय स्वतःचे आणि एकनाथ शिंदे यांचे असल्याचे सांगत, ठाकरे यांनी या प्रकल्पांना विरोध केल्याचा दावा त्यांनी केला. मुंबई गुजरातमध्ये नेण्याच्या आरोपाला मूर्खपणा संबोधत, त्यांनी वाढवण बंदराचे महत्त्व अधोरेखित केले.