मालेगावच्या 101 गावांची पाणीटंचाई दूर होणार! दादा भुसेंचा मोठा निर्णय, गावागावांत पोहोचणार पिण्याच्या पाण्याचे टँकर
नाशिकच्या मालेगावातील १०१ गावांना पिण्याच्या पाण्याच्या टँकरचे वाटप करण्यात आले आहे. दुष्काळी परिस्थितीवर मात करण्यासाठी मंत्री दादा भुसे यांनी हा महत्त्वपूर्ण पुढाकार घेतला आहे. यामुळे गाव, वाडी, वस्तीवरील नागरिकांना पिण्याचे पाणी उपलब्ध होणार असून महिलांची पाण्यासाठी होणारी पायपीट थांबणार आहे.
नाशिक जिल्ह्यातील मालेगाव तालुक्यात दुष्काळजन्य परिस्थितीवर मात करण्यासाठी एक महत्त्वाचा उपक्रम राबवण्यात आला आहे. मंत्री दादा भुसे यांच्या संकल्पनेतून मालेगावमधील 101 गावांना पिण्याच्या पाण्याच्या टँकरचे वाटप करण्यात आले आहे. या निर्णयामुळे मालेगावातील गाव, वाडी आणि वस्तीवरील नागरिकांना टँकरद्वारे पिण्याचे पाणी उपलब्ध होणार आहे, ज्यामुळे पाण्यासाठी महिलांची होणारी पायपीट थांबण्यास मदत होईल.
नाशिक जिल्ह्यासह संपूर्ण राज्यात मोठ्या प्रमाणावर दुष्काळाचे सावट निर्माण झाले आहे. या पार्श्वभूमीवर, राज्य शासन विविध योजना राबवून नागरिकांना दिलासा देण्याचा प्रयत्न करत आहे. याच प्रयत्नांचा एक भाग म्हणून, मंत्री दादा भुसे यांच्या विशेष प्रयत्नातून मालेगाव तालुक्यात १०० पेक्षा अधिक पिण्याचे टँकर प्रत्येक गावासाठी वितरित केले जाणार आहेत. दुष्काळाची गंभीर परिस्थिती लक्षात घेऊन शासनामार्फत हा निर्णय घेण्यात आला असल्याची माहिती मंत्री दादा भुसे यांच्या कार्यालयामार्फत देण्यात आली आहे.
