Dahihandi 2022: कोरोनाच्या संकटानंतर 2 वर्षांनंतर मुंबईत दहीहंडीचा उत्साह

श्रीकृष्ण जन्माष्टमीचा सण देशात मोठ्या थाटामाटात साजरा केला जातो. यासोबतच यावर्षी जन्माष्टमीच्या दुसऱ्या दिवशी म्हणजेच आज दहीहंडीचा कार्यक्रम साजरा केला जाणार आहे. दहीहंडी उत्सव प्रामुख्याने महाराष्ट्र, गोवा आणि गुजरातमध्ये होतो, परंतु आता तो देशाच्या इतर काही भागांमध्येही आयोजित केला जातो. दहीहंडी उत्सवाला महाराष्ट्रात गोपाळकाला असेही म्हणतात. मुंबईतल्या मनाच्या दहीहंडी फोडण्याच्या कार्यक्रमाला सुरवात झालेली आहे. या दहीहंडीचे यंदाचे 49 वे वर्ष आहे. यंदा हा उत्सव निर्बंधमुक्त असल्याने नागरिकांमध्ये उत्साहाचे वातावरण आहे. दही हंडी फोडण्यासाठी महिला पथकही कार्यक्रमाच्या ठिकाणी आलेले आहेत.