मोठी बातमी! सुनेत्रा पवारांसोबतच्या भेटीत… विलीनीकरणाची चर्चांबाबत फडणवीसांनी स्पष्टच सांगितलं!

राज्याचे मुख्यमंत्री देवेंद्र फडणवीस यांनी सुनेत्रा पवार यांच्या नुकत्याच झालेल्या भेटीबाबत सुरू असलेल्या राजकीय अटकळांवर पूर्णविराम दिला आहे. फडणवीस यांनी स्पष्ट केले की, सुनेत्रा पवार शासकीय कामकाजासंदर्भात त्यांना भेटल्या होत्या आणि यावेळी विलीनीकरणासंदर्भात कोणतीही चर्चा झाली नाही. फडणवीस म्हणाले, “सुनेत्राताई शासकीय कामकाजनिमित्त आमच्याकडे आल्या होत्या. आमच्या चर्चेत कुठेही विलीनीकरणाची चर्चा नव्हती. मी पुन्हा एकदा सांगतो, विलीनीकरणाच्या संदर्भात जर काही चर्चा असती तर त्यांनी आमच्याशी चर्चा केलीच असती, कारण आम्ही सत्तेमध्ये सोबत आहोत.” माध्यमांमध्ये सुरू असलेल्या विलीनीकरणाच्या चर्चांना त्यांनी केवळ पतंगबाजी असे संबोधले. ते म्हणाले, या चर्चा प्रत्यक्षात नसून केवळ मीडियामध्येच ऐकायला मिळतात.

या भेटीचा संबंध फडणवीस यांनी डिलिमिटेशन विधेयकाशी जोडला. शरद पवार गटाच्या खासदारांची डिलिमिटेशन विधेयकासाठी गरज असल्याचे त्यांनी सांगितले. सुप्रिया सुळे यांनी यापूर्वीच स्पष्ट केले आहे की, डिलिमिटेशन विधेयकाला त्यांचा पाठिंबा आहे. जर ५० टक्के फ्लॅट सीटा वाढवून बिल आले तर राष्ट्रवादी काँग्रेस (शरद पवार गट) त्याला पूर्ण समर्थन देईल, असे सुप्रिया सुळे यांनी म्हटले आहे. त्यामुळे, अनावश्यक चर्चा थांबवून वस्तुस्थितीकडे लक्ष देण्याचे आवाहन फडणवीस यांनी केले आहे.