Shivsena : त्यांचे आका दिल्लीत… केविलवाणे चेहरे अन् इंडिया आघाडीच्या बैठकीत ठाकरेंना 6 व्या रांगेत स्थान… शिंदे सेनेची जहरी टीका

गुरुवारी दिल्लीत राहुल गांधी यांनी एक पत्रकार परिषद घेऊन निवडणुकीत झालेल्या घोटाळ्यासंदर्भात एक प्रेझेंटेशन दिलं. या प्रेझेंटेशनमधून राहुल गांधी यांनी केंद्रीय निवडणूक आयोग आणि भाजपवर गंभीर आरोप केला. त्यानंतर इंडिया आघाडीच्या नेत्यांची राहुल गांधी यांच्या घरी एक बैठक पार पडली. या बैठकीत उद्धव ठाकरे, आदित्य ठाकरे, संजय राऊत हे उपस्थित होते. मात्र दिल्लीत उद्धव ठाकरे यांना इंडिया आघाडीच्या बैठकीत सहाव्या रांगेत बसवण्यात आलं असा दावा आता केला जातोय. याबाबतचे काही व्हिडीओ देखील व्हायरल होत आहेत. यावरूनच एकनाथ शिंदे यांची शिवसेना चांगलीच आक्रमक झाली आहे. ‘साहेब यांना माफ करा, सडका मेंदू साफ करा’ अशा घोषणा देत आज दादर शिवाजी पार्क येथील दिवंगत हिंदूह्दयसम्राट बाळासाहेब ठाकरे यांच्या स्मृती स्थळावर शिवसैनिकांनी आंदोलन केलं.