Prakash Javadekar | महाआघाडी सरकार विरोधात प्रचंड असंतोष; कारण हे सरकार काहीच करत नाहीत-tv9

मुंबई : महाविकास आघाडी सरकार (Mahavikas Aghadi government) सत्तेत आल्यापासून भाजपकडून सतत टीका होत आलेली आहे. भाजपचे (BJP) अनेक नेते हे महाविकास आघाडी सरकारवर सतत भ्रष्टाचाराचे आरोप करत असतात. आता याचवरून माजी केंद्रीय मंत्री प्रकाश जावडेकर (former Union Minister Prakash Javadekar) यांनी महाविकास आघाडी सरकारवर सडकून टीका आहे. त्यांनी महाराष्ट्राच्या आघाडी सरकार विरोधात प्रचंड असंतोष असल्याचे म्हटलं आहे. तसेच हे सरकार काहीच करत नाही. यामुळे जनतेचा संताप यांच्यावर असल्याचेही त्यांनी म्हटलं आहे. याच बरोबर महाविकास आघाडी सरकारचं एकच कॉमन मिनिमम प्रोग्रॅम असून तो लूट लूट लुटायचं हाच आहे. तर यातून जितकं हणता येईल तितके हणायच असल्याचेही ते म्हणाले. तसेच देशातील भ्रष्टाचाराची सगळी रेकॉर्ड या आघाडी सरकारने मोडून काढल्याचेही ते म्हणाले.