मुंबई : प्रसिद्ध अभिनेत्री हेमांगी कवी-धुमाळने (Hemangi Kavi) ‘बाई, बुब्स आणि ब्रा’ फेसबुकवर पोस्ट केल्यामुळे ती चांगलीच चर्चेत आली आहे. तिच्या या पोस्टनंतर सोशल मीडियावर धुमाकूळ उडाला आहे. हेमांगीच्या या पोस्टनंतर अनेकांनी मोकळेपणाने आपल्या प्रतिक्रिया व्यक्त केल्या आहेत. त्यानंतरा आता याच विषयाला घेऊन हेमांगीने TV9मराठीशी बातचित केली आहे.
आम्ही अभिनय क्षेत्रात कार्यरत आहोत. अनेक वेळा आम्हाला ट्रोल केलं जातं, आम्ही सोशल मीडियावर कसं यावं, कसं बाहेर पडायवं हे आता समाज ठरवणार का? मी विदाऊट मेकअप गलिच्छ दिसते, असं देखील मला म्हटलं जातं. माझा सोशल मीडिया आहे, मला ठरवू द्या, मी कसं समोर यायचं. मेकअप करणे, अभिनय करणे हा माझा जॉब आहे. तो माझ्या कामाचा भाग आहे. पण मी माणूस आहे, मला प्रेशराईज केलं जातं, असं हेमांगी म्हणाली.