सोलापूर : भाजप आमदार गोपीचंद पडळकर (Gopichand padalkar)यांनी पुन्हा एकदा रोहित पवार (Rohit Pawar)आणि सुप्रिया सुळे (Supriya Sule) यांच्यावर हल्लाबोल केला आहे. पुण्यातल्या धक्काबुक्कीच्या प्रकरणावरून आता वार पलटवार सुरू झाले आहेत. रोहित पवारांच्या टीकेवर पलटवार करताना भाजप आमदार गोपीचंद पडळकर म्हणाले, – कोण रोहित पवार? रोहित पवारांना जरा तरी लाज वाटली पाहिजे. तुमच्या कार्यकर्त्याने माझ्या गाडीवर दगड फेकला तर त्याचा सत्कार तुम्ही केलात आणि आम्हास संस्कृती सांगताय. तुम्ही महाराष्ट्राला संस्कृती शिकवू नका. तुम्ही जे पेरताय ते उगवते. तुमचा कार्यकर्ता शोधा आणि तोडा असे आदेश काढतो. तर सुप्रिया सुळेंवरही हल्लाबोल केला. ते म्हणाले राष्ट्रवादी युवकच्या पदाधिकाऱ्याने बलात्कार केला त्यावर कारवाई का नाही झाली? पूजा चव्हाण प्रकरणावेळी कुठे होत्या सुप्रिया सुळे? असे सवाल त्यांनी केले.