भारत विरुद्ध श्रीलंका संघातील सामन्यांमध्ये कोरोनाने शिरकाव केला आहे. भारताचा आघाडीचा अष्टपैलू खेळाडू कृणाल पंड्या (Krunal Pandya Tested Corona Postive) याला कोरोनाची बाधा झाली आहे. यामुळे भारत आणि श्रीलंका यांच्यातील दुसरा टी-20 सामनाही पुढे ढकलण्यात आला आहे. नुकतच भारतीय क्रिकेट नियामक मंडळाने (BCCI) याबद्दल माहिती देत ट्विट देखील केलं आहे. आतापर्यंत केवळ कृणालाच कोरोनाची बाधा झाली असून तो इतर संघासोबत असल्याने सर्व संघावरच कोरोनाचं सावट दिसून येत आहे.