जालन्यात बंजारा समाज आक्रमक! एसटी प्रवर्गातून आरक्षणाच्या मागणीसाठी मोर्चा
जालना येथे बंजारा समाजाने एसटी प्रवर्गात आरक्षण मिळावे या मागणीसाठी मोठा मोर्चा काढला. हैदराबाद गॅझेटनुसार त्यांचा एसटीमध्ये समावेश करण्याची मागणी आहे. मोर्चात हजारो बंजारा समाजातील लोक सहभागी झाले होते. पुढील आंदोलनाची रणनीती ठरवण्यात येणार आहे.
जालना शहरात बंजारा समाजाच्या वतीने एसटी प्रवर्गात आरक्षणाच्या मागणीसाठी एक मोठा मोर्चा काढण्यात आला. मराठा आरक्षणाच्या आंदोलनाच्या पार्श्वभूमीवर हा मोर्चा विशेष महत्त्वाचा आहे. मोर्चाला एक ते दीड लाख लोकांनी सहभाग घेतल्याचा दावा करण्यात आला. बंजारा समाजाची प्रमुख मागणी म्हणजे हैदराबाद गॅझेट प्रमाणे त्यांचा एसटी प्रवर्गात समावेश करणे. यासाठी जिल्हाधिकारी कार्यालयासमोर काही तरुण उपोषण करत आहेत. मोर्चा संपल्यानंतर पुढील आंदोलनाच्या रणनीतीबाबत निर्णय घेतला जाईल, असे आंदोलनकर्त्यांनी स्पष्ट केले आहे.
Published on: Sep 15, 2025 03:57 PM
