MP CM Mohan Yadav Plane Incident : मध्यप्रदेशचे मुख्यमंत्री मोहन यादवांचं विमान टेकऑफवेळी डगमगलं; व्हिडीओ आला समोर
मध्यप्रदेशचे मुख्यमंत्री डॉ. मोहन यादव यांच्या हेलिकॉप्टरला १४ फेब्रुवारी रोजी खंडवा येथे टेकऑफवेळी अचानक झटका बसला. लाडली बहन योजनेच्या कार्यक्रमासाठी जात असताना ही घटना घडली. हेलिकॉप्टर पुढे जाण्याऐवजी मागे सरकू लागले, परंतु वैमानिकाच्या प्रसंगावधानामुळे तात्काळ परिस्थिती नियंत्रणात आणली गेली आणि मोठा अनर्थ टळला.
मध्यप्रदेशातून एक महत्त्वाची बातमी समोर आली आहे. मध्यप्रदेशचे मुख्यमंत्री डॉ. मोहन यादव यांच्या हेलिकॉप्टरला १४ फेब्रुवारी रोजी टेकऑफवेळी अचानक झटका बसल्याची घटना घडली आहे. ही घटना मध्यप्रदेशातील खंडवा येथे घडली, जिथे मुख्यमंत्री लाडली बहन योजनेच्या कार्यक्रमासाठी जात होते.
प्राप्त माहितीनुसार, मुख्यमंत्री डॉ. मोहन यादव यांच्या हेलिकॉप्टरने टेकऑफ घेण्याचा प्रयत्न करत असताना ते पुढे जाण्याऐवजी अचानक मागे सरकू लागले. या अनपेक्षित परिस्थितीमुळे हेलिकॉप्टर हवेत डगमगले. सुदैवाने, हेलिकॉप्टरच्या वैमानिकाने मोठे प्रसंगावधान राखले. वैमानिकाने तात्काळ आवश्यक ती पाऊले उचलत परिस्थितीवर नियंत्रण मिळवले आणि संभाव्य धोका टाळला.
या घटनेचा व्हिडिओ देखील आता समोर आला आहे, ज्यात हेलिकॉप्टरच्या टेकऑफवेळी झालेल्या या गडबडीचे दृश्य स्पष्टपणे दिसत आहे. वैमानिकाच्या समयसूचकतेमुळे कोणतीही मोठी दुर्घटना घडली नाही आणि मुख्यमंत्री डॉ. मोहन यादव सुरक्षित राहिले. ही घटना मुख्यमंत्र्यांच्या सुरक्षिततेबाबत चर्चांना सुरुवात करणारी ठरली आहे.
