MahaFast News 100 | महाफास्ट न्यूज 100 | 5.30 PM | 17 July 2021

राष्ट्रवादीचे अध्यक्ष शरद पवार यांनी सकाळी साडे दहाच्या सुमारास पंतप्रधान नरेंद्र मोदी यांची पंतप्रधान कार्यालयात जाऊन भेट घेतली. दोन्ही नेत्यांमध्ये एक तास चर्चा झाली. या भेटीचा तपशील गुलदस्त्यात ठेवण्यात आला आहे. मात्र, नव्याने निर्माण करण्यात आलेलं सहकार खातं, महाराष्ट्रातील आणि देशातील सहकाराचे प्रश्न, सहकार खात्याकडून असलेल्या अपेक्षा आणि बँकिंग संदर्भातील विषयांवर या बैठकीत चर्चा करण्यात आल्याचं सूत्रांनी सांगितलं. त्यानंतर शरद पवार आणि शिवसेना खासदार संजय राऊत यांचीही भेट झाली. पुढे हे दोन्ही नेते उपराष्ट्रपतींची भेट घेण्यासाठी एकत्रच गेले.