मुंबई : मुंबईतील कुलाबा परिसरात असलेल्या मॅजेस्टिक आमदार निवासाचा आता लवकरच कायापालट होणार आहे. मॅजेस्टिक ही इमारत 1909 मध्ये बांधलेली आहे. मुंबई शहरातील सुरूवातीच्या हॉटेल पैकी हे एक आहे.याची रचना वास्तू विशारद डब्लूए चेंबर यांनी केली आहे. मॅजेस्टिक ही इमारत 1960 नंतर महाराष्ट्र सरकारने आपल्या ताब्यात घेतली. विधानसभेच्या सदस्यांसाठी वसतिगृहात त्याचं रूपांतर करण्यात आलं. आता ही इमारत जुनी झाला आहे. त्यामुळे पुढील धोका टाळण्यासाठी सरकारकडून पावलं उचलली जात आहेत. या इमारतीच्या संवर्धनासाठी काही बदल केले जाणार आहेत. संरचनेच्या बाह्य दर्शनी भागाला त्याच्या पूर्वीच्या वैभवाचं जतन करत पीडब्ल्यूडीकडून डागडुजी करण्यात येणार आहे.