मुंबई : सुरत सत्र न्यायालयाने काँग्रेस नेते राहुल गांधी यांना दोन वर्षांची शिक्षा सुनावणी आहे. राहुल गांधी यांनी पंतप्रधान नरेंद्र मोदी यांच्याबाबत केलेल्या वक्तव्याप्रकरणी राहुल गांधी यांना ही शिक्षा सुनावण्यात आली आहे. या प्रकरणी राहुल गांधी यांना जामीनही मंजूर झाला आहे. याविरोधात महाराष्ट्र काँग्रेसने आंदोलन केलं. यावेळी राज्याचे माजी मुख्यमंत्री पृथ्वीराज चव्हाण यांनी प्रतिक्रिया दिली आहे. सावरकरांबद्दल राहुल गांधी यांनी जी भूमिका घेतली ती पुरावानीशी घेतलेली आहे. सावरकरांनी जर त्या ठिकाणी इंग्रजांची माफी मागितली असेल तर त्याचा देखील उल्लेख इतिहासाच्या पानांमध्ये आहे. ते जर राहुल गांधी बोलत असतील तर त्यामध्ये गैर काय?, असं पृथ्वीराज चव्हाण म्हणालेत.