ओबीसीच्या पहिल्या मोर्चाची हाक विदर्भातून! नागपुरात 10 ऑक्टोबरला मोर्चा

महाराष्ट्र सरकारच्या नवीन शासकीय निर्णयामुळे (जीआर) ओबीसी आरक्षणावर अतिक्रमण झाल्याचा आरोप ओबीसी नेत्यांनी केला आहे. या निर्णयाविरोधात विदर्भातील ओबीसी नेत्यांनी १० ऑक्टोबर रोजी नागपुरात मोठ्या प्रमाणात मोर्चा काढण्याचा निर्णय घेतला आहे. काँग्रेस नेते विजय वडेट्टीवार यांच्या उपस्थितीत झालेल्या बैठकीत हा निर्णय घेण्यात आला. या मोर्चात एक लाखाहून अधिक लोकांचा सहभाग अपेक्षित आहे. यशवंत स्टेडियममधून हा मोर्चा निघणार आहे. पुढील टप्प्यात मराठवाडा आणि मुंबईतही असेच मोर्चे काढण्याची योजना आखण्यात आली आहे. ओबीसी नेते सरकारवर दबाव आणण्यासाठी रस्त्यावर उतरत आहेत.