अजित पवारांच्या अपघात प्रकरणी सुनेत्रा पवारांची मुख्यमंत्र्यांकडे मोठी मागणी

अजित पवारांच्या कथित विमान अपघाताची सीबीआय चौकशी करण्याची मागणी उपमुख्यमंत्री सुनेत्रा पवार यांनी मुख्यमंत्री देवेंद्र फडणवीस यांच्याकडे केली आहे. सुनेत्रा पवार यांच्यासह राष्ट्रवादी काँग्रेसचे नेते प्रफुल्ल पटेल, सुनील तटकरे, पार्थ पवार आणि हसन मुश्रीफ यांनी मुख्यमंत्र्यांची भेट घेतली. दादांच्या विमान अपघाताबाबत मुख्यमंत्र्यांना निवेदन दिल्याचे सुनील तटकरे यांनी सांगितले.

यापूर्वी रोहित पवार यांनी अजित पवारांचा अपघात हा घातपात असल्याचा संशय व्यक्त केला होता आणि पायलट, विमान कंपनी तसेच हँडलिंग कंपनीच्या पार्श्वभूमीची चौकशी करण्याची मागणी केली होती. त्यानंतर आता राष्ट्रवादीनेही सीबीआय चौकशीची मागणी केली आहे. मुख्यमंत्री देवेंद्र फडणवीस यांनी या संदर्भात उद्या केंद्रीय गृहमंत्री अमित शाह यांना पत्रव्यवहार करणार असल्याचे आश्वासन शिष्टमंडळाला दिले आहे.