मुंबई, १८ मार्च २०२४ : नवनीत राणा या भाजपमध्ये प्रवेश करून कमळावर निवडणूक लढवू शकतात, त्यामुळे महायुतीतील सर्व घटक पक्षांतील नेत्यांना राणांचा प्रचार करावा लागेल, त्यासाठी त्यांना एका मंचावर यावं लागेल असं रवी राणा यांनी म्हटलं होतं. यावरूनच आमदार बच्चू कडू यांनी समाचार घेत खिल्ली उडवली आहे. ‘मी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यापेक्षा रवी राणांना घाबरतो. खूपच भीतीचं वातावरण तयार झालं आहे.त्यामुळे मंचावर उपस्थित राहावंच लागेल. मला कार्यकर्त्यांचे फोन आले. एवढी मोठी हस्ती काहीही करू शकते. उद्या जीवाला धोका निर्माण होऊ शकतो, चौकशी लागू शकते, घरात घुसून मारण्याचा प्रयत्न होऊ शकतो.’, आमदार बच्चू कडू यांनी आमदार रवी राणांच्या वक्तव्याची खिल्ली उडवली आहे. तर देवेंद्र फडणवीस यांना भेटून आल्यानंतर ते जोरजोराने बोलतात. त्यामुळे आम्हाला भीती आहे. आम्ही घाबरलो असल्याने आमची इच्छा नसली तरी आम्हाला मंचावर जावं लागेल, प्रचार करावा लागेल, असा खोचक टोला बच्चू कडू यांनी लागवला आहे.