औरंगजेबच्या घोषणावरून वाद पेटला; ओवैसी म्हणतात, ‘घोषणाबाजी झालीच नाही…’

बुलढाणा : बुलढाणा येथे एमआयएमचे खासदार असदुद्दीन ओवैसी यांच्या भाषणावेळी काही कार्यकर्त्यांनी औरंगजेबच्या घोषणा दिल्या. त्यावरून आता वाद उफाळल्याचे समोर येत आहे. यावरून विहीप, बजरंग दलाकडून या घटनेचा तीव्र निषेध करत चौकशीची मागणी करण्यात आली आहे. तर याप्रकरणाची बुलढाणा पोलीसांकडून गंभीर दखल घेण्यात आली आहे. आता याप्रकरणी पोलीसांकडून व्हिडिओची तपास सुरू आहे. याचदरम्यान ओवैसी यांनी या प्रकरणावर प्रतिक्रिया देताना, सभेत घोषणाबाजी करण्यात आलेली नाही. तर माध्यमांध्ये चुकीच्या बातम्या दाखवल्या जात असल्याचं म्हटलं आहे. मुस्लिमांच्या बाबतीत किती खोटं परवलं जाणार असा सवाल त्यांनी केला आहे.