आगमनाधिश चिंचपोकळीचा चिंतामणीचा शाही थाट, पाहा खास झलक
चिंचपोकळीच्या प्रसिद्ध चिंतामणी गणपतीच्या १०६ व्या वर्षाच्या उत्सवाचे भव्य आगमन झाले आहे. २२ फूट उंच असलेल्या या भव्य मूर्तीचे दर्शन घेण्यासाठी हजारो भाविकांनी गर्दी केली. १७ ऑगस्टपासून दर्शन सुरू झाले असून, सकाळी ६ ते दुपारी २ आणि संध्याकाळी ४ ते रात्री १० या वेळेत भाविक दर्शन घेऊ शकतात. या वर्षीच्या उत्सवाची तयारी जोरदार सुरू आहे आणि मुंबईकरांमध्ये उत्साहाचे वातावरण आहे.
चिंचपोकळीच्या चिंतामणी गणपतीच्या मनमोहक रूपाने भाविकांना मंत्रमुग्ध केले असून, हजारो भाविकांनी हात जोडून बाप्पाचे दर्शन घेतले. चिंचपोकळी सार्वजनिक उत्सव मंडळ यंदा आपले 106 वे वर्ष साजरे करत आहे. 1920 मध्ये स्थापन झालेल्या या मंडळाला ‘आगमनाधीश बाप्पा’ म्हणून विशेष ख्याती आहे. 22 फूट उंच असलेली ही भव्य मूर्ती पाहण्यासाठी मुंबईच्या रस्त्यांवर भाविकांची प्रचंड गर्दी उसळली आहे.
आज, 17 ऑगस्टपासून चिंचपोकळीच्या चिंतामणीच्या दर्शनाला परवानगी देण्यात आली आहे. सकाळी 6 ते दुपारी 2 आणि सायंकाळी 4 ते रात्री 10 या वेळेत भाविकांना दर्शन घेता येणार आहे. गणेशोत्सव आता अवघ्या काही दिवसांवर येऊन ठेपला असून, मुंबई आणि उपनगरांमध्ये गणेश आगमनाची जोरदार तयारी सुरू आहे.
आज परळ वर्कशॉपमधून चिंचपोकळीच्या चिंतामणी मूर्तीचे भव्य आगमन झाले. बाप्पाची पहिली झलक पाहण्यासाठी भाविकांनी प्रचंड गर्दी केली, आणि या सोहळ्याने परिसरात उत्साहाचे वातावरण निर्माण झाले.
