CM Fadnavis : मुख्यमंत्र्यांच्या लाडक्या बाप्पाला निरोप, ‘वर्षा’वर विसर्जन संपन्न

अनंत चतुर्थीनिमित्त आज शनिवारी मुंबईसह राज्यभरातील गणरायांचे विसर्जन होत आहे. ढोल ताशांच्या गजरात आणि गुललाची उधळण करत बाप्पाला निरोप देण्यात येतोय. अशातच राज्याचे मुख्यमंत्री देवेंद्र फडणवीस यांनी आपल्या घरच्या बाप्पाला जड अंतकरणाने निरोप दिलाय. मुख्यमंत्री देवेंद्र फडणवीस यांनी आपल्या शासकीय वर्षा या निवासस्थानी आपल्या बाप्पाचं विसर्जन केलं. देवेंद्र फडणवीस आणि अमृता फडणवीस यांच्या हस्ते त्यांनी आपल्या बाप्पाचं विसर्जन केलं. ‘गणपती बाप्पा मोरया, पुढच्या वर्षी लवकर या’ असं म्हणत देवेंद्र फडणवीस आणि अमृता फडणवीस यांनी आपल्या लाडक्या बाप्पाचं विसर्जन करत निरोप दिल्याचे पाहायला मिळाले.