अभिनेता साहिल खान याच्याविरुद्ध गुन्हा दाखल; महिलेला जीवे मारण्याची धमकी दिल्याचा आरोप

मुंबई : अभिनेता साहिल खान याच्याविरुद्ध मुंबईतील ओशिवरा पोलीस ठाण्यात गुन्हा दाखल करण्यात आला आहे. अभिनेता आणि व्यावसायिक शरीरसौष्ठवपटू साहिल खान आणि त्याच्या मित्राविरुद्ध मुंबईतील ओशिवरा पोलीस ठाण्यात तक्रार करण्यात आली आहे. एका महिलेला धमकावणं, धमकी देणं आणि जीवे मारण्याची धमकी दिल्याप्रकरणी गुन्हा दाखल करण्यात आला आहे. मुंबईच्या ओशिवरा पोलिसांनी अभिनेता साहिल खानविरुद्ध आयपीसी कलम 500, 501, 509, 504, 506 आणि 34 अंतर्गत गुन्हा दाखल केला आहे. या प्रकरणी अद्याप कुणालाही अटक करण्यात आलेली नाही, अशी माहिती ओशिवरा पोलीस ठाण्यातील पोलिसांनी दिली आहे. ओशिवरा पोलिसांनी दिलेल्या माहितीनुसार, फिर्यादीच्या पतीने साहिल खान आणि त्याचा साथीदार मतिंडा यांनी लग्नाच्या बहाण्याने तिच्यावर बलात्कार केल्याचा आरोप केला होता.