आज ‘या’ मार्गावर असणार मेगाब्लॉक; कसं असेल रेल्वेचं वेळापत्रक
मुंबईतील मध्य, हार्बर आणि पश्चिम रेल्वे मार्गांवर आज रविवारी मेगाब्लॉक घेण्यात येणार आहे. यामुळे अनेक लोकल फेऱ्या रद्द होतील किंवा धीम्या मार्गावर वळवण्यात येतील. प्रवाशांनी वेळापत्रक पाहूनच प्रवास करावा, असे रेल्वे प्रशासनाने आवाहन केले आहे. ब्लॉकच्या वेळेत काही मार्गांवर पर्यायी सेवा उपलब्ध असतील.
रेल्वे प्रशासनाकडून आज रविवारी मुंबईतील तिन्ही प्रमुख रेल्वे मार्गांवर म्हणजेच मध्य, हार्बर आणि पश्चिम मार्गांवर मेगाब्लॉक घेण्यात आलेला आहे. या विशेष ब्लॉकमुळे रेल्वे सेवांमध्ये बदल करण्यात आले आहेत.
मध्य रेल्वेवर माटुंगा ते मुलुंड दरम्यान अप आणि डाऊन जलद मार्गावर सकाळी ११.३० वाजल्यापासून दुपारी ३.४५ वाजेपर्यंत मेगाब्लॉक असेल. हार्बर मार्गावर कुर्ला ते वाशी दरम्यान सकाळी ११.१० ते सायंकाळी ४.१० पर्यंत ब्लॉक राहणार आहे. तसेच, सीएसटी, पनवेल, बेलापूर आणि वाशी दरम्यान सकाळी १०.१७ ते दुपारी ३.४७ पर्यंत हार्बर मार्गावरील काही सेवा रद्द करण्यात आल्या आहेत.
या ब्लॉकच्या काळात मुख्य मार्गावरील सर्व जलद फेऱ्या धीम्या मार्गावर वळवण्यात येणार असून, हार्बर मार्गावरील काही फेऱ्या रद्द करण्यात येतील. प्रवाशांच्या सोयीसाठी सीएसटी, कुर्ला, पनवेल, वाशी दरम्यान लोकल चालवण्यात येणार आहेत. तसेच, हार्बर मार्गावरील प्रवाशांना सकाळी १० ते सायंकाळी ६ वाजेपर्यंत ठाणे, वाशी, नेरूळ मार्गे प्रवासाची परवानगी देण्यात आली आहे. रेल्वे प्रशासनाने प्रवाशांना वेळापत्रक पाहूनच प्रवास करण्याचे आवाहन केले आहे.
