मुंबईकरांनो पुढील 24 तास महत्त्वाचे! दादरसह मुंबईच्या उपनगरीय भागात पावसाच्या सरीवर सरी; पहा व्हिडीओ…
मुंबईत मान्सून सक्रिय झाल्यानंतर आता पावसाचा जोर वाढताना दिसत आहे. मध्य मुंबईतील महत्त्वाचा आणि कायम वर्दळीचा असलेला सेनापती बापट मार्ग तसेच लोअर परळ परिसरात आज दुपारपासून मुसळधार पावसाने जोरदार हजेरी लावली. अचानक सुरू झालेल्या पावसामुळे काही मिनिटांतच रस्त्यांवर पाणी साचण्यास सुरुवात झाली.
मुंबईत मान्सून सक्रिय झाल्यानंतर आता पावसाचा जोर वाढताना दिसत आहे. मध्य मुंबईतील महत्त्वाचा आणि कायम वर्दळीचा असलेला सेनापती बापट मार्ग तसेच लोअर परळ परिसरात आज दुपारपासून मुसळधार पावसाने जोरदार हजेरी लावली. अचानक सुरू झालेल्या पावसामुळे काही मिनिटांतच रस्त्यांवर पाणी साचण्यास सुरुवात झाली.
मुसळधार पावसामुळे कार्यालयातून घरी जाणाऱ्या चाकरमान्यांची मोठी गैरसोय झाली. अनेक ठिकाणी वाहनांच्या लांबच लांब रांगा लागल्याने वाहतूक अत्यंत धीम्या गतीने सुरू असल्याचे चित्र पाहायला मिळाले. विशेषतः सेनापती बापट मार्ग, लोअर परळ रेल्वे स्थानक परिसर आणि सखल भागांमध्ये वाहनचालकांना काळजीपूर्वक प्रवास करावा लागत आहे.
दरम्यान, हवामान विभागाने पुढील काही तास मुंबई आणि उपनगरांमध्ये जोरदार पावसाचा इशारा दिला आहे. नागरिकांनी अत्यावश्यक कामाशिवाय घराबाहेर पडू नये तसेच पाणी साचलेल्या भागांतून जाताना खबरदारी घ्यावी, असे आवाहन प्रशासनाकडून करण्यात आले आहे.
