Nagpur MLC Election 2026 Result : नागपूर पदवीधर निवडणुकीत 34 पोस्टल मतं बाद; निकालाच्या गणितावर काय परिणाम होणार?

नागपूर पदवीधर विधानपरिषद निवडणुकीच्या मतमोजणीदरम्यान एक महत्त्वाची बाब समोर आली आहे. एकूण २३८ पोस्टल मतांपैकी ३४ मतं अवैध ठरवण्यात आली आहेत. निवडणूक आयोगाच्या नियमांनुसार मतदान न केल्याने ही मतं बाद झाली आहेत, अशी माहिती मिळाली आहे. यामुळे आता केवळ २०४ पोस्टल मतं वैध मानली जातील.

यापूर्वीच्या निवडणुकीतही ११,००० हून अधिक मतं अवैध ठरली होती. यंदाही अवैध मतांचा आकडा मोठा असण्याची शक्यता वर्तवली जात आहे, ज्यामुळे अनेक उमेदवारांचे गणित बिघडू शकते. मतमोजणी केंद्रावर सध्या २५-२५ मतांचे गठ्ठे तयार करण्याचे काम सुरू आहे. दुपारी दोन वाजल्यानंतर प्रत्यक्ष मतमोजणीला सुरुवात होईल. भाजप आणि काँग्रेस यांच्यात थेट लढत असली तरी, बंडखोर उमेदवार नितेश कराळे यांची भूमिकाही महत्त्वाची ठरू शकते. अवैध मतांच्या मोठ्या संख्येमुळे निकालात अनपेक्षित बदल होण्याची शक्यता नाकारता येत नाही.