नवी दिल्ली : काँग्रेस राहुल गांधी यांचं स्वातंत्र्यवीर सावरकर यांच्याबाबतच्या वक्तव्याची चर्चा होत असतानाच राहुल गांधी यांनी आज पुन्हा एकदा सावरकरांच्या नावाचा उल्लेख केला आहे. राहुल गांधी यांची लोकसभेची सदस्यता काल रद्द करण्यात आली. पत्रकार परिषद घेत राहुल गांधी यांनी त्यावर आपली बाजू मांडली. राहुल गांधी यांच्या माफीची मागणी केली जात आहे. त्यावर प्रश्न विचारला असता राहुल गांधी यांनी स्वातंत्र्यवीर सावरकर यांचा उल्लेख केला. माझं नाव सावरकर नाही, माझं नाव गांधी आहे आणि गांधी माफी मागत नाहीत… त्यामुळे मीही कदापि माफी मागणार नाही, असं राहुल गांधी म्हणाले.