नवनीत राणांचा उद्धव ठाकरेंवर गंभीर आरोप; दिशा सालियन प्रकरणात… नेमकं काय म्हणाल्या?

माजी खासदार नवनीत राणा यांनी उद्धव ठाकरे यांच्यावर दिशा सालियन प्रकरणात सत्तेचा गैरवापर केल्याचा गंभीर आरोप केला आहे. राणा यांच्या मते, उद्धव ठाकरे मुख्यमंत्री असताना, सत्तेचा वापर करून दिशा सालियन प्रकरणाची फाईल बंद करण्यात आली होती. मात्र, आता केंद्रीय अन्वेषण विभागाने (सीबीआय) ही फाईल पुन्हा उघडली असून, दाल मे बहुत कुछ काला है हे त्यातून स्पष्ट होत असल्याचा दावा नवनीत राणा यांनी केला आहे.

सीबीआय या प्रकरणाची सखोल चौकशी करेल आणि दिशा सालियनच्या कुटुंबाला न्याय देईल, असा विश्वास नवनीत राणा यांनी व्यक्त केला आहे. उपमुख्यमंत्री देवेंद्र फडणवीस यांनीही या प्रकरणात न्याय मिळवून देण्यासाठी पाठिंबा दर्शवल्याचे राणा यांनी नमूद केले. जे लोक त्यावेळी सत्तेत होते, त्यांनी आपल्या अधिकारांचा गैरवापर करून फाईल बंद केली, परंतु आता सत्य बाहेर येईल, असे राणा यांचे म्हणणे आहे. सीबीआय या प्रकरणी निश्चितच सत्य शोधून काढेल, असा विश्वास त्यांनी व्यक्त केला.