पुणे : जुनी पेन्शन योजना लागू करण्यात यावी, या मागणीसाठी राज्यभरातील सरकारी कर्मचाऱ्यांनी संपावर गेले आहेत. 18 लाख सरकारी कर्मचारी सध्या संपावर आहेत. या कर्मचाऱ्यांच्या संपाचा आज तिसरा दिवस आहे. राज्यातील शासकीय निमशासकीय कर्मचारी आजही संपावर आहे. पुणे महानगरपालिकेच्या कामकाजावरही या संपाचा मोठा परिणाम पाहायला मिळतोय. तीन दिवसापासून पुणे महापालिकेचा कारभार ठप्प आहे. कर्मचारी उपस्थित नसल्यामुळे पुणे महापालिकेत शुकशुकाट पाहायला मिळतोय. पुणे महापालिकेत फक्त अधिकारी हजर आहेत. तर कर्मचारी मात्र संपावर आहेत. पुणे जिल्ह्यात एकूण 32 विभागातील कर्मचाऱ्यांनी सध्या सं पुकारला आहे. एकूण 68 हजार कर्मचारी सध्या संपावर आहेत.