मुंबई : भाजप नेते मोहित कंबोज (Mohit Kamboj Tweet News) यांनी एक ट्वीट करत खळबळ उडवून दिली आहे. राष्ट्रवादीचा (Senior NCP Leader) एक बडा नेता लवकरच जेल मध्ये जाईल, असं मोहित कंबोज यांनी म्हटलं आहे. नवाब मलिक आणि अनिल देशमुख यांच्यानंतर आणखी एक मोठा राष्ट्रवादीचा नेता त्यांनाच भेटेल, असं म्हटलंय. यासोबत सिंचन घोटाळ्याची पुन्हा चौकशी करण्याची मागणीदेखील त्यांनी केली आहे. देवेंद्र फडणवीस, एकनाथ शिंदे आणि मुख्यमंत्री कार्यालयाचा टॅग करत त्यांनी हे ट्वीट केलंय. याआधीही मोहित कंबोज यांनी राजकीय भविष्यवाणी केली होती. मोहित कंबोज हे देवेंद्र फडणवीसांचे (Devendra Fadnavis) निकटवर्तीय मानले जातात. आतापर्यंत नवाब मलिक, अनिल देशमुख आणि संजय राऊत यांच्याबद्दल केलेली ही भविष्यवाणी खरी ठरली आहे. आता आणखी एका राष्ट्रवादीच्या बड्या नेत्याबद्दल मोहित कंबोज यांनी केलेल्या सूचक ट्वीटने राजकीय वर्तुळात चर्चांना उधाण आलं आहे.